2011年9月28日

紙皮菜肉包 ~ "膠包"!


市面上的包裝包點多不勝數,
有時真的不知屬佳屬劣,
今次試食了這款新品牌 ~ 菜肉包,
結果令我失望之極。
大家不要相信上圖,
首先包裏餡料極少,
切開空空洞洞無乜料,
而且用料奇差,
椰菜乾硬如紙皮,
咬都咬唔碎,
另外又無端端有幾絲"霉菜",
其實我都唔敢肯定係咪"霉菜",
見佢啡啡黃黃一絲絲靠估喳,
佢仲係有渣嗰隻,
食落要隨口吐出,
簡直離Q哂舖。

至於包的外皮則極有彈性,
但不是鬆軟有彈性那種,
而是"IN UN"如軟膠EVA一樣,
咬落去就會彈返轉頭,
膠感十足難食到痺,
感覺落了很多發粉,
完全是咬軟膠的感受。
對於這新牌子我用一個字形容 ~ 膠,
賣嗰個"膠",
買嗰個"戇膠",
我"膠"咗一次了,
你哋千奇咪再"膠"呀!

12 則留言:

梁巔巔 說...

好彩~~~~

您睇, 我幾唔要得~ ^~

Ebenezer 說...

哈哈,你真係坦白得可愛嘅姐^^

新鮮人 說...

巔兄,
哩篇係"警世文"呀,
你睇完唔好中招就得啦!

新鮮人 說...

ebenezer,
你今日"膠"咗未?
哈哈哈~~~

naruto 說...

燒賣ok架喎

呢個包我唔會買,多謝提醒

新鮮人 說...

naruto,
試過佢嘅包,
我連佢嘅燒賣都唔會買,
都唔知用乜料做,
食唔死算好運呀!

laulong 說...

haha, 你點整先?就咁叮就一定乾身,要隔水蒸,或者用紙巾濕啲滾水,放喺冚住(要留係罅)嘅容器到叮,飽才會軟。

不過餡唔掂,就點搞都冇用!

新鮮人 說...

laulong,
佢個包裝度話可以叮的,
仲講明唔好拆個膠袋,
我跟到足咁做架,
結果咪就係"膠"到無朋友囉,
佢嘅包外皮咁鬼膠,
都唔知係咪落咗塑化劑添呀,
以佢嘅質數,
就算用水蒸都唔會好得幾多,
你會唔會親身買黎試吓吖?
吉豬島有售呀!

Tat 說...

呢類微波爐食品,有時真係呃鬼的,吓吓賺到盡,我曾經係超市買過一盒粟米肉粒飯,叮咗出嚟,成盒飯只有四粒肉粒。

laulong 說...

haha, 揾笨咩?你都話啲餡料唔掂!

新鮮人 說...

Tat,
係啦,
我都試過類似嘅叮叮飯呀,
出便街嘅叮叮飯大部份都好麻麻,
唔好食之餘仲呃錢,
波仔記就好啲,
細就細盒啲,
但味道算係咁,
可以一試!

新鮮人 說...

laulong,
哈哈哈~~~