2011年10月14日

"身上福中不知福"之 寧廢莫奸!

2011-12施政報告

上面條link係曾特首的施政報告,
我好想搵時間睇左佢,
唔想斷章取義,
唔想人云亦云,
不過要睇哂成份報都幾辛苦,
從"往績"推測,
多數唔會有乜新野,
也唔會有乜實則遠見,
更無可能對即時民生問題。。。
例如物價狂升等有什麼答案,
一向無期望就唔會失望,
我好少睇錯人的。

2008年6月27日,
我係當日覆blog友"Imak"時說過,
" 睇咗老曾咁耐,
佢係一個剛愎自用的人,
又死牛一邊頸,
亦都唔覺佢會有乜大改進!
改變係需要時間,
但問題係入面根本無人諗過要改喎, (我指官僚作風)
係老曾領導下,
這個問題唔會有大改變,
風水佬呃你十年八年,
哩樣嘢二年見效!"

今日係2011年10月14日,
事隔三年有多了,
如今再翻睇我當日的言論,
証明所言非虛,
早在"佢"登場前,
好多人讚佢熟識政府運作,
應該有所作為,
我就話佢只是英國人一隻門口狗,
只不過後來由英國狗變大陸狗,
而且資質平庸到極點,
看下門口吠兩聲都仲可以,
叫佢"做野捉賊"就哂氣啦,
所謂沐猴而冠,
自己係乜料都唔知,
睇下門口咪好囉,
做乜大王丫?
出醜之餘仲禍及市民呀!

不過早幾日又係blog友Imak blog裏討論新特首人選時,
見到一句 : "寧廢莫奸",
我瞬間滴了一滴冷汗,
究竟我地依家係咪"身在福中不知福"呢?
廢係廢d,
乜都做唔到,
但係換左個有能力,
不過估唔到佢心裏諗緊乜既人上場後,
我地會唔會死左都唔知乜事呢?

17 則留言:

naruto 說...

今日係2022年10月14日... 老左好多呀我

新鮮人 說...

Naruto,
謝謝提示。
唔緊要啦,
人愈大愈可愛嘛,
哈哈哈哈。。

梁巔巔 說...

喺咁嘅制度之下, 咁嘅環境之下, 咁嘅民質之下, 咩人做都冇分別喇.

香港真的已死.

Shumc 說...

所以,范太絕不能上場做特首。唐唐同范太比,唔係一舊屎同兩舊屎既分別,而係屎同毒藥比。

新鮮人 說...

巔兄,
未死住,
有你係度大聲疾呼嘛。

新鮮人 說...

Shumc,
糖粹鐵定係舊屎,
范狐狸都係奸,
不過震鷹都唔少野,
相比下,
震鷹有能力但奸出面,
范狐狸無料到但面慈心險,
三揀一,
我會揀廢糖,
二奸選其一,
我揀震鷹,
起碼死都死得心服少少。

L L 說...

老董腳痛,廢曾上位,我早就話哩條友屎中之尤,當時佢民望有七成幾,可知所謂民見,實在係淺見!

新鮮人 說...

Laulong,
還記 得老董上場時,
電視訪問過一些師奶,
佢地個個話佢肥頭dun耳好可愛喎,
仲話佢做特首一定好,
我聽完想死呀。

新鮮人 說...

Laulong ,
我想補幾句,
民見當然有高有低,
但不可以用減慢作民主進程的借口,
就係民見參差,
所以更加要提倡全民民主認識,
而只有通過實習也可以成功呀。

L L 說...

haha, 你知道我意思咯,但出領袖不同去買棵菜,揀咗阿扁,他信,埃斯達拉達,阿羅約夫人,阿基諾三世都幾該煨!

新鮮人 說...

laulong,
没有一個制度是完美的,
但基於公平的原則下,
人人都應該有權發聲和表逹意見,
雖然當中會出現一些問題,
但總好過由一少撮獨裁控制,
這樣才能發揮人民監察的作用,
不則就會落入日本明治維新後的軍人獨權的結果啊!

一舊雲 說...

“三揀一,
我會揀廢糖,
二奸選其一,
我揀震鷹,
起碼死都死得心服少少。”

咩有得你揀咩??

不過,講返轉頭
以前唔明台灣選總統時台灣友人說的:
都是爛蘋果
不想去投票

如果香港真系有得我哋揀
三選一
揀唔落手

Ruth Tam 說...

So sad!

新鮮人 說...

一舊雲,
因為無權揀,
所以咪只好係度發吓夢囉,
不過係惡夢!

新鮮人 說...

RUTH,
唔SAD,
天下烏雅一樣黑,
美國同台灣都唔好得過我哋好多喳,
一樣係民不聊生!

Ruth Tam 說...

All so sad!

新鮮人 說...

ruth,
唉~~~