2011年10月17日

"多嚿魚" 之 "玩Line"!

我好"OUTDATED",
近日見個個講"LINE",
初初都唔知係乜黎,
後來才略知又係網上一些交友平台之類的東西,
同FB、TWISTER、PLURK、G+都有點相似,
不過我成日諗,
玩一兩個咪得囉,
點解要個個都開黎玩呢?
想識多啲朋友呀?
但係我見啲人開咗後,
又狂叫一向係PLURK係FB有交流嘅朋友LINE佢喎,
咁即係點?
咪又係同返班相同嘅人玩?
咁點解要搞咁多嘢喎,
好煩囉!
啲人真係咁想人"關注"咩?
平時無人理自己呀?

其實我唔係好明,
係現實生活中我又唔見啲人咁熱忱去識新朋友喎,
見到熟人都未必有咁熱情去交流,
但係去到網上世界就好似發哂狂咁,
有咁多開咁多個平台,
有咁多人就ADD咁多人,
唔理三七廿一愈多愈好,
一千幾百個有幾個真係有交流架?
所謂交流又交乜呢?
係咪有乜新APPS可用?
有乜團購新着數?
有嘅八卦傳聞之類?
跟手就一蝸蜂咁衝去討論一輪,
然後又講吓自己起身食飯出街玩之類的東西,
哩啲無無謂謂嘢有需要開咁多個平台講咩?

"好多"香港人就係咁,
一時興一樣,
有人玩起就全部衝去玩,
慌死蝕底,
唔理好唔好有無用,
開咗先至算,
其實咪又係嗰類嘢,
NO BIG DIFFERENT!
依家又話'LINE"無私隱兼可能要收錢了,
個個又話要考慮玩唔玩得過喎,
唉~~~
真係攞黎搞,
魚民加餸 ~ 多嚿魚,
無無謂謂!

16 則留言:

希樹 說...

我都無玩~
太多野,根本玩唔晒,而且都無咁多野玩喇~

新鮮人 說...

希樹,
其實啲平台個個差不多,
無需要見一個玩一個,
啲人都係貪新鮮,
三日香!

naruto 說...

乜line唔係似乎whatsapp果類咩?

梁巔巔 說...

所以我成日覺得自己好有性格.

新鮮人 說...

naruto,
咪又係類似嘅嘢,
有大分別咩?

新鮮人 說...

巔兄,
唔係有性格,
係同我一樣,
out呀!

悟樂 說...

我好耐之前都講過,
依家根本太多唔同的 IM 和平台,
把大家都分得好散,
內容亦攪到越來越差...

不過依個唔算係今日的重點,
重點係... 尐人係又轉, 唔係又轉的問題.

五珍 說...

其實咁多交友平台,會令人好忙好累,同埋交唔到真正朋友。

新鮮人 說...

悟樂,
轉來轉去本來就是網上世界的習慣啊!

新鮮人 說...

五珍,
本來在網上世界交朋友就是很危險的,
就是在現實世界才是啊,
人生知己難求,
朋友亦不易呀!

一舊雲 說...

我仲out
看你寫才知道

不過關於現實與網路交朋友的態度
我想有些人比較內向
藉由網路文字交流會比較得心應手

新鮮人 說...

一舊雲,
現在用文字交朋友和從前的筆友不盡相同了,
從前的人都比較簡單純樸,
現在網上的人千奇百怪,
要特別小心!

L L 說...

玩 line, 為咗一個字:潮

唔想俾人話都係一個字:out

玩嗰陣,有 N 個 friend, 於是覺得自己很重要,支撐了薄弱的靈魂!

當然仲有啲根本就為咗溝女溝仔。

一舊雲 說...

今日上A1啦
呵呵

關於交友
我倒不認為網路特別危險
人心隔肚皮
網路不過是交友的其中一種媒介
傳統的交友模式也會認識居心不良的人
只是網路更多人因為躲在螢幕後面
或誇大或隱藏優缺點
太誇張的話就只能永遠躲在螢幕後面了

新鮮人 說...

流浪,
社會潮流如此,
無辦法。

新鮮人 說...

一舊雲,
個人認為,
鑑貌可以辨色,
當然也會睇錯,
不過我自己較喜歡面對面認識朋友。