我好"OUTDATED"，
近日見個個講"LINE"，
初初都唔知係乜黎，
後來才略知又係網上一些交友平台之類的東西，
同FB、TWISTER、PLURK、G+都有點相似，
不過我成日諗，
玩一兩個咪得囉，
點解要個個都開黎玩呢?
想識多啲朋友呀?
但係我見啲人開咗後，
又狂叫一向係PLURK係FB有交流嘅朋友LINE佢喎，
咁即係點?
咪又係同返班相同嘅人玩?
咁點解要搞咁多嘢喎，
好煩囉!
啲人真係咁想人"關注"咩?
平時無人理自己呀?
其實我唔係好明，
係現實生活中我又唔見啲人咁熱忱去識新朋友喎，
見到熟人都未必有咁熱情去交流，
但係去到網上世界就好似發哂狂咁，
有咁多開咁多個平台，
有咁多人就ADD咁多人，
唔理三七廿一愈多愈好，
一千幾百個有幾個真係有交流架?
所謂交流又交乜呢?
係咪有乜新APPS可用?
有乜團購新着數?
有嘅八卦傳聞之類?
跟手就一蝸蜂咁衝去討論一輪，
然後又講吓自己起身食飯出街玩之類的東西，
哩啲無無謂謂嘢有需要開咁多個平台講咩?
"好多"香港人就係咁，
一時興一樣，
有人玩起就全部衝去玩，
慌死蝕底，
唔理好唔好有無用，
開咗先至算，
其實咪又係嗰類嘢，
NO BIG DIFFERENT!
依家又話'LINE"無私隱兼可能要收錢了，
個個又話要考慮玩唔玩得過喎，
唉~~~
真係攞黎搞，
魚民加餸 ~ 多嚿魚，
無無謂謂!
16 則留言:
我都無玩~
太多野，根本玩唔晒，而且都無咁多野玩喇~
希樹,
其實啲平台個個差不多,
無需要見一個玩一個,
啲人都係貪新鮮,
三日香!
乜line唔係似乎whatsapp果類咩？
所以我成日覺得自己好有性格.
naruto,
咪又係類似嘅嘢,
有大分別咩?
巔兄,
唔係有性格,
係同我一樣,
out呀!
我好耐之前都講過,
依家根本太多唔同的 IM 和平台,
把大家都分得好散,
內容亦攪到越來越差...
不過依個唔算係今日的重點,
重點係... 尐人係又轉, 唔係又轉的問題.
其實咁多交友平台，會令人好忙好累，同埋交唔到真正朋友。
悟樂,
轉來轉去本來就是網上世界的習慣啊!
五珍,
本來在網上世界交朋友就是很危險的,
就是在現實世界才是啊,
人生知己難求,
朋友亦不易呀!
我仲out
看你寫才知道
不過關於現實與網路交朋友的態度
我想有些人比較內向
藉由網路文字交流會比較得心應手
一舊雲,
現在用文字交朋友和從前的筆友不盡相同了,
從前的人都比較簡單純樸,
現在網上的人千奇百怪,
要特別小心!
玩 line, 為咗一個字：潮
唔想俾人話都係一個字：out
玩嗰陣，有 N 個 friend, 於是覺得自己很重要，支撐了薄弱的靈魂！
當然仲有啲根本就為咗溝女溝仔。
今日上A1啦
呵呵
關於交友
我倒不認為網路特別危險
人心隔肚皮
網路不過是交友的其中一種媒介
傳統的交友模式也會認識居心不良的人
只是網路更多人因為躲在螢幕後面
或誇大或隱藏優缺點
太誇張的話就只能永遠躲在螢幕後面了
流浪，
社會潮流如此，
無辦法。
一舊雲，
個人認為，
鑑貌可以辨色，
當然也會睇錯，
不過我自己較喜歡面對面認識朋友。
發佈留言