圖片來自台灣仆街少女網頁
我忍咗好X耐，
最終忍唔住要X兩嘴，
哩個世界真係有啲人無聊到咁，
食飽無憂米到咁仆街，
咁多嘢唔去玩，
玩"仆街"，
最大鑊係好多人欣賞，
有樣學樣仲做埋粉絲團，
仲話好有創意喎，
真係仆X哂街!
廣東人"仆街"嘅意思大概係:
大鑊、行衰運、做事不順、行路打倒退、衰到貼地仆落街......
總之唔係好嘢，
但係依家有人反而攞黎玩，
聽聞緣起自日本嘅"漂浮少女"喎，
整個人跳高係空上，
然後用影相機定格影低，
看起來好似人停留在空中一樣，
玩吓玩吓就玩到仆街了，
成個人板直咁仆係街度，
搞到好似條死屍咁，
啲人覺得好有特別有好創意喎，
挑隙星吖，
我就睇唔到有乜創意嘞，
哩啲少女多數都係食飽等屎痾，
無聊之極，
父母養佢哋都哂米飯，
好做唔做，
如果佢哋試過揾朝唔得晚，
成家餓到無飯開，
行路手軟腳軟仆係街，
仲會唔會咁戇居玩仆街吖?
仆係度影張相又點呢?
點有創意呢?
又代表咗乜嘢思潮情緒呢?
代表咗乜嘢含意呢?
要反映表逹心思創意有好多方向，
玩"仆街"我就睇唔到乜嘢創意嘞，
咁得閒快啲出去揾錢養家啦，
食爺飯著奶衣仲要玩白痴嘢，
浪費地球資源!
戇尻! 無聊!
18 則留言:
唔係你有咩親戚朋友走咗去玩仆街，激得你咁慶吖嘛？
好在香港冇乜人玩呢個遊戲，一個人攤到直，其實冇乜美感。澳洲有青年玩到仆死咗。
eben,
如果我有親人玩仆街,
我實鬧到佢哋仆係街呀,
好玩唔玩,
玩電玩仲可以話娛樂吓,
玩仆街幾鬼無聊,
有意義嘅事唔去做,
玩哩啲嘢,
真仆街呀!
五珍,
澳洲有人玩到仆街死咩?
啱哂啦,
哩啲廢人唔死都無用,
由得佢哋死咗去啦,
慳返啲米飯呀!
haha, 行為藝術嘛，冇得解釋！
laulong,
我不認為這是藝術,
只是食飽無事做的行為,
不要侮辱藝術這名字呀!
Wa...
好彩我冇post到我啲漂浮相姐，否則你「小」完我仲同我絕交咁點算？
你自己都做創作，只係表達方法唔同啲，唔使咁勞氣！ :)
mc,
玩一下無所謂,
但不斷這樣做就很無聊了,
還要說是創意又組粉絲團,
實屬可笑!
創作是經過深思、修改、硏作的,
不是亂來一通搞無聊就是創作,
請不要搞亂!
如果你是沈迷這種東西的人,
我不會和你絶交,
不過會令我我失望!
如果係表達對社會一啲事嘅不滿, oaky~
巔兄,
看來不像是這樣,
那些人只是無聊貪過癮,
没有什麼含意!
第一個玩我都仲可以話特別，但跟住個個盲目去跟就真係仆街啦
不会影這類相片了，影天空才是我的至愛！ :)
嚟边攪 zombie walk, 我都唔明。 您個处「玩仆街」就更加不知所謂!!! 點解d人会咁無所事事??
naruto,
完全同意你的看法!
MC,
你影的天空的確美得無話可說,
請多拍些,
讓我們欣賞!
微豆,
食飽無憂米,
所以就會搞這些無聊行為,
浪費時間又無意思!
Ｄ年輕人咪就係無所事事，又無工返，咪玩planking 囉！
其實佢應該面向上張開雙腿嘛！會賺到錢的！
魔術師，
佢地已經咁做緊，
十三四歲就賣肉身，
十二歲做網上龜婆，
你無聽過嗎？
發佈留言