2011年11月24日

真"仆街"!


圖片來自台灣仆街少女網頁

我忍咗好X耐,
最終忍唔住要X兩嘴,
哩個世界真係有啲人無聊到咁,
食飽無憂米到咁仆街,
咁多嘢唔去玩,
玩"仆街",
最大鑊係好多人欣賞,
有樣學樣仲做埋粉絲團,
仲話好有創意喎,
真係仆X哂街!

廣東人"仆街"嘅意思大概係:
大鑊、行衰運、做事不順、行路打倒退、衰到貼地仆落街......
總之唔係好嘢,
但係依家有人反而攞黎玩,
聽聞緣起自日本嘅"漂浮少女"喎,
整個人跳高係空上,
然後用影相機定格影低,
看起來好似人停留在空中一樣,
玩吓玩吓就玩到仆街了,
成個人板直咁仆係街度,
搞到好似條死屍咁,
啲人覺得好有特別有好創意喎,
挑隙星吖,
我就睇唔到有乜創意嘞,
哩啲少女多數都係食飽等屎痾,
無聊之極,
父母養佢哋都哂米飯,
好做唔做,
如果佢哋試過揾朝唔得晚,
成家餓到無飯開,
行路手軟腳軟仆係街,
仲會唔會咁戇居玩仆街吖?

仆係度影張相又點呢?
點有創意呢?
又代表咗乜嘢思潮情緒呢?
代表咗乜嘢含意呢?
要反映表逹心思創意有好多方向,
玩"仆街"我就睇唔到乜嘢創意嘞,
咁得閒快啲出去揾錢養家啦,
食爺飯著奶衣仲要玩白痴嘢,
浪費地球資源!
戇尻! 無聊!

18 則留言:

Ebenezer 說...

唔係你有咩親戚朋友走咗去玩仆街,激得你咁慶吖嘛?

五珍 說...

好在香港冇乜人玩呢個遊戲,一個人攤到直,其實冇乜美感。澳洲有青年玩到仆死咗。

新鮮人 說...

eben,
如果我有親人玩仆街,
我實鬧到佢哋仆係街呀,
好玩唔玩,
玩電玩仲可以話娛樂吓,
玩仆街幾鬼無聊,
有意義嘅事唔去做,
玩哩啲嘢,
真仆街呀!

新鮮人 說...

五珍,
澳洲有人玩到仆街死咩?
啱哂啦,
哩啲廢人唔死都無用,
由得佢哋死咗去啦,
慳返啲米飯呀!

L L 說...

haha, 行為藝術嘛,冇得解釋!

新鮮人 說...

laulong,
我不認為這是藝術,
只是食飽無事做的行為,
不要侮辱藝術這名字呀!

Mugen C 說...

Wa...

好彩我冇post到我啲漂浮相姐,否則你「小」完我仲同我絕交咁點算?

你自己都做創作,只係表達方法唔同啲,唔使咁勞氣! :)

新鮮人 說...

mc,
玩一下無所謂,
但不斷這樣做就很無聊了,
還要說是創意又組粉絲團,
實屬可笑!

創作是經過深思、修改、硏作的,
不是亂來一通搞無聊就是創作,
請不要搞亂!

如果你是沈迷這種東西的人,
我不會和你絶交,
不過會令我我失望!

梁巔巔 說...

如果係表達對社會一啲事嘅不滿, oaky~

新鮮人 說...

巔兄,
看來不像是這樣,
那些人只是無聊貪過癮,
没有什麼含意!

naruto 說...

第一個玩我都仲可以話特別,但跟住個個盲目去跟就真係仆街啦

Mugen C 說...

不会影這類相片了,影天空才是我的至愛! :)

Haricot 微豆 說...

嚟边攪 zombie walk, 我都唔明。 您個处「玩仆街」就更加不知所謂!!! 點解d人会咁無所事事??

新鮮人 說...

naruto,
完全同意你的看法!

新鮮人 說...

MC,
你影的天空的確美得無話可說,
請多拍些,
讓我們欣賞!

新鮮人 說...

微豆,
食飽無憂米,
所以就會搞這些無聊行為,
浪費時間又無意思!

魔術師 說...

D年輕人咪就係無所事事,又無工返,咪玩planking 囉!

其實佢應該面向上張開雙腿嘛!會賺到錢的!

新鮮人 說...

魔術師,
佢地已經咁做緊,
十三四歲就賣肉身,
十二歲做網上龜婆,
你無聽過嗎?