2012年1月20日

阿爺剩低俾我的,吹咩?

點解 要公平?
我唔要公平,
我要保衛我地d原本權利,
哩一大片土地係阿爺老祖宗剩低俾我地d男丁,
幾百年來我地話點就點,
我地有權係上面做乜都得,
話知我起大屋起魚塘,
甚至做廢物回收,廢車場,
我地想點就點,
咸豐爺管唔到我,
紅毛鬼都管唔到我,
你班庸官敢"gi吉" 我?
係哩度我地大X哂,
想點起就點起,
想幾高就幾高,
乜野叫僭建呀?
我都唔知你up乜九!
塊地我阿爺剩落俾我,
我想點就點,
哩度我就係法律!

你想講法律丫嘛,
我又同你講,
基本法都話要保障我地權利,
所以一向我地話點就點哩種權利就應該保留,
你話係唔係先?
年年分太公豬肉,
歲歲等派地起丁屋,
得閒打下排九,
哩d就係我地既權利勒。
我話過你知丫,
你班狗官仲唔識趣的話,
我擺個二三百萬出黎搞掂你,
車~ 幾百萬打官司算係乜丫?
起個魚塘都要哩個數啦,
我俾唔起咩!

乜野叫公平?
乜野叫特權?
有咩?
我地幾百年都係咁做架啦,
以前又唔會有人講?
你地想剝奪我本身權益呀?
夠pop你就試下羅 ,
你咪行入我地頭呀,
有乜事發生咪懶我呀,
知唔知呀盲丙!!

15 則留言:

Ebenezer 說...

鄉紳惡棍單野我想鬧好耐喇,你今日丙佢地先,讚!

以前,英國佬俾佢地有特權,係因為英國鬼心虛,知佔人地土唔多好,所以對呢班土著俾吓人情,先至搞到有新界佬同城寨呢d古怪野出泥,現在回歸咗喇,坦白講,新界佬同九龍人、港島人都係中國人地上嘅香港人,都係大家咁高咁大,佢地憑乜野同自己人講特權?

香港人以至國內人,最深惡痛恨就係有人享有特權!共產黨係唔係有責任去解放呢班鄉下佬先?!

naruto 說...

睇下佢地幾時衰鑊金嘅

laulong 說...

我都係原居民,但我真係頂哩班鄉紳唔住,好醜怪!

新鮮人 說...

Eben,
我都忍左好耐,
見班鄉委愈講愈離舖
但又唔多見有人寫哩單野,
忍無可忍就爆佢粗,
鬧返佢鑊勁。

新鮮人 說...

Naruto,
哩班"富貴"等唔切天收了,
我要丙返鑊一洩心頭之恨呀。

新鮮人 說...

Laulong,
就算你係原居民我都係咁講架,
哩班所謂鄉委個個從中弓點利 ,
飽到肚滿腸肥,
講野野蠻不堪,
一定要清除,
否則社會只會繼續保留一班特權階級,
簡單不知所謂,
正垃圾。

梁巔巔 說...

新鮮兄, 新春愉快! 恭喜發財!

嘿嘿 說...

恭喜发财!

隆运日日来、月月来、年年来!

人缘桃花时时开!
生意兴隆富贵来!
心身健康福禄寿!
家和幸福乐开怀!


樂遊 說...

恭喜發財,身壯力健,闔家平安,萬事勝意。

Haricot 微豆 說...

In a small pond, the shrimp is king. When the Centre is weak, village heads become Lords.

Haricot 微豆 說...

順祝新鮮兄龍馬精神!!!

新鮮人 說...

巔兄,
謝謝!

新年快樂,
身體健康呀!

新鮮人 說...

嘿嘿,

謝謝!

新年快樂,
萬事如意!

新鮮人 說...

微豆,

這些歷史留下來的問題,
理應處理,
只是政府無能,
班鄉紳勢力又盤根錯亂,
比較難搞!

新年快樂呀!

新鮮人 說...

樂遊,

謝謝!
也祝你們合家新年快樂,
身體健康!