2012年1月17日

送禮的煩惱!

最近有無俾超市內的"年貨山"嚇倒?
什麼是"年貨山"?
咪就係啲送禮裝糖果、餅乾、曲奇、麻薯、朱古力......囉!
一到新年超市就入定哂貨,
貨倉放滿哂就放埋出黎,
唔單止係行人走道放滿哂,
仲疊到成座山兩樓咁高,
係入便行都有啲驚,
唔知幾時會掉幾盒落黎,
到時真係"紅運當頭"囉。

講開哩啲送禮年貨,
平時都唔會成日買,
至多間唔中買一兩盒食吓,
但係一到新年就會大量入貨,
中國人講人情講體面,
家爺仔乸親朋戚友要送,
上司同事要送,
女友男友父母要送,
唔送人家又會話你唔識做,
上司更可能唔睇你,
真係諗起都頭痕呀!

但係送乜好呢?
送糖送曲奇送酒送乜都好,
總之要送,
有錢嘅就送果籃,
一枝洋酒加幾個乜鬼日本生果都要五六百蚊,
再豪啲就加盒魚子醬,
一千幾百以至幾千都有,
咁厚嘅禮送俾邊個?
唔係女友父母就係上司,
禮下於人必有所求,
大家心照啦!

不過收收埋埋哩啲禮又有幾多人真係自己食呢?
估計好多人都係轉頭送返俾人,
可以慳返唔少錢,
所以隨時有機會會收返自己送出去嘅禮架!
但係,
送禮都要講心思,
有啲人送禮俾老人都送曲奇餅、糖果就真係無心,
人家七老八十都無哂牙啦,
又高血壓又糖尿病周身老人病,
仲送哩啲咁嘅嘢俾人食係咪想佢死快啲呢?
亂送不如唔好送,
唔係變咗好心做壞事,
累死人架!

計我話最好送禮券,
一來環保啲,
唔會買埋啲無人想要嘅"垃圾",
二來又方便攞,
唔洗攞到手仔軟,
三來人人啱用,
一年到晚總會有機會幫襯到超市,
揸住張禮券自己落去買,
自己方便人家開心。
不過就可能益咗啲大集團超市囉,
除咗咁樣,
大家仲有無乜嘢好諗頭吖?
講出黎指教吓啦!

18 則留言:

naruto 說...

如果自己係靚女,送張自己嘅三點式寫真海報加簽名

新鮮人 說...

naruto,
咁都係你諗到,
佩服! 佩服!
至驚啲豬扒見到都照板煮碗喳,
死啦!

Ebenezer 說...

送條綉咗祝福語句嘅手巾仔啦!我俾我老婆昆咗前,從其他女處都收唔少架^^

l.minor 說...

我都係送黎送去都係果d,食物就通常送d好食野俾人,費事人地轉頭又送俾其他人

新鮮人 說...

Eben,
哇。。。。
你識親d女仔都識銹花架?
真係"鏽外胃中"喎,
好難搵到哩d咁好既女仔啦,
依家有幾人會識鏽手巾仔?
又有幾多人用手巾仔呢?
絕哂種羅。

新鮮人 說...

I.minor,
但係人人口味唔同,
你覺得好味,
家未必鍾意喎,
就好似東星斑好好味,
都有人覺得海鮮好腥好難啦,
係咪?
哈哈哈。。。。

laulong 說...

還是送實物好,大大份,叫做有嘢揸手!

imak 說...

我鍾意送鮑魚面果d... 比較實際, 實食到law!

新鮮人 說...

Laulong.
要實物又要實用,
有乜好介紹呢?

新鮮人 說...

Imak,
年青人未必喜歡食鮑魚,
老人家多數唔夠力咬,
且難消化,
是一種好睇唔好食的東西,
淘汰!

送金咪更好,
人人都鍾意,
仲名貴啦。
嘻嘻!!

naruto 說...

新鮮人你睇真D,imak係話送飽魚麵,唔係鮑魚

不過對我嚟講,情願要出前一丁都唔要飽魚麵

新鮮人 說...

Naruto,

係喎,
我睇唔真個"面" 字,
唔知係講麵呀,
唔該你呀。

Imak,
鎖理! 鎖理!

梁巔巔 說...

要收到禮物嘅人係 "真開心", 真係好花心思.

新鮮人 說...

巔兄,
是,
頗難,
要做得到,
只有付出真心才做到!

imak 說...

NO lar.. 我講既係"鮑魚面" 唔係鮑魚呀!

新鮮人 說...

Imak,
係呀,
上面naruto提過我了,
對不起,
我老眼昏花睇錯左,
唔好意思呀。

Haricot 微豆 說...

最近几年,我地d親戚已决定,聖誕新年節日,「細路」有禮物收,但係大人就免咧,無謂買埋d唔等洗嘅o野。而政府官員就更加唔可以收或送厚禮,以防止貪汚。

新鮮人 說...

微豆,
這個做法很好,
值得學習呀!