又有一堆人話要移民澳門喎!
點解?
因為有幾千蚊派囉!
一年派幾千蚊佢哋就想移民?
哩啲人真係易滿足，
容易過養豬，
點解?
豬都要日日餵先唔會嘈，
但哩啲人一年餵一次就可以，
飽佢唔到，
餓佢唔死。
主人做唔做到嘢都唔會理，
房屋、民生、民主、經濟、自由......
究竟有什麼真正做過?
究竟有没有改進?
WHO CARE?
一年派一次就可以塞住佢哋把口，
連個心、對眼都遮到死死實實，
乜都睇唔到之餘，
仲話想移民過去，
哩啲人要個腦做乜?
你話係咪笨過隻豬?
其實咁講有點侮辱豬隻，
因為啲豬一啲都唔蠢，
至少唔會笨到一年餵一次就滿足。
我成日想，
澳門啲大學生畢業後，
唔想入賭業或者建築業的話，
仲可以有什麼選擇呢?
得咁少行頭點揾食呀?
移民到咁嘅地方有前途咩?
做市民嘅諗嘢唔該長遠丁點咁多，
做官嘅不如諗吓點多元化個經濟，
仲有要慢慢改善民主進程，
年年派錢哩招只可以呃到啲唔願用腦嘅"豬"，
唔係人人都甘心做"豬嘜"架!
8 則留言:
香港啲官根本唔會做嘢嘛. 只會揮霍公帑嘛.
巔兄,
澳門啲官咪淨係識派錢塞住人把口,
一樣咁癈呀!
我表妹一家係澳門人，但喺香港打工，既有錢收，亦有份有前途既工
naruto,
你又想移民過去咩？
新鮮人:
為几千蚊去移民澳門,会不会係「執到芝麻,掉咗西瓜」?
微豆 ，
同"贏粒糖，輸間廠"一樣意思，
不過識咁想就唔係"豬"啦，
對不起，
我又侮辱了豬，
應該講"笨過豬"才對。
Macau has no future if it continuous it's current policy.
ruth,
無人諗過澳門必需有將來,
人家只想做個賺錢的賭場就好了!
發佈留言