2012年11月14日

笨過隻豬!

又有一堆人話要移民澳門喎!
點解?
因為有幾千蚊派囉!

一年派幾千蚊佢哋就想移民?
哩啲人真係易滿足,
容易過養豬,
點解?
豬都要日日餵先唔會嘈,
但哩啲人一年餵一次就可以,
飽佢唔到,
餓佢唔死。
主人做唔做到嘢都唔會理,
房屋、民生、民主、經濟、自由......
究竟有什麼真正做過?
究竟有没有改進?
WHO CARE?
一年派一次就可以塞住佢哋把口,
連個心、對眼都遮到死死實實,
乜都睇唔到之餘,
仲話想移民過去,
哩啲人要個腦做乜?
你話係咪笨過隻豬?
其實咁講有點侮辱豬隻,
因為啲豬一啲都唔蠢,
至少唔會笨到一年餵一次就滿足。

我成日想,
澳門啲大學生畢業後,
唔想入賭業或者建築業的話,
仲可以有什麼選擇呢?
得咁少行頭點揾食呀?
移民到咁嘅地方有前途咩?
做市民嘅諗嘢唔該長遠丁點咁多,
做官嘅不如諗吓點多元化個經濟,
仲有要慢慢改善民主進程,
年年派錢哩招只可以呃到啲唔願用腦嘅"豬",
唔係人人都甘心做"豬嘜"架!

8 則留言:

梁巔巔 說...

香港啲官根本唔會做嘢嘛. 只會揮霍公帑嘛.

新鮮人 說...

巔兄,

澳門啲官咪淨係識派錢塞住人把口,
一樣咁癈呀!

naruto 說...

我表妹一家係澳門人,但喺香港打工,既有錢收,亦有份有前途既工

新鮮人 說...

naruto,

你又想移民過去咩?

Haricot 微豆 說...

新鮮人:

為几千蚊去移民澳門,会不会係「執到芝麻,掉咗西瓜」?

新鮮人 說...

微豆 ,

同"贏粒糖,輸間廠"一樣意思,
不過識咁想就唔係"豬"啦,
對不起,
我又侮辱了豬,
應該講"笨過豬"才對。

Ruth 說...

Macau has no future if it continuous it's current policy.

新鮮人 說...

ruth,

無人諗過澳門必需有將來,
人家只想做個賺錢的賭場就好了!