2012年12月17日

男人也要保養!

這事發生在星期日早上,
現在回想也覺得很好笑。

早上八點正要經過公園去吃早餐,
前面不遠處走來兩個男孩,
年長那個大約十一二歲,
皮膚黑黑,
樣子老成,
講野大大聲聲
粗粗魯魯的感覺,
另一個大約九歲左右,
白白淨淨斯斯文文,
邊走邊以手掌擋得額頭,
看樣子很怕給太陽曬到的模樣,
年長那個看得他很不耐煩的說:
「男人老狗怕乜太陽曬呀? 咁乸形,洗唔洗搽埋潤膚膏呀?」,
那刻我感到自己很無奈,
現在的我真的怕太陽曬,
喜歡走到有遮蔭的地方,
夏天也不會曬日光浴,
而且早晚也搽了潤膚膏,
我真係變左乸形嗎?
少年十五二十時我d皮膚都又彈又滑,
三十歲前我乜膏都無搽過,
最多係細個塊臉爆拆搽下俄羅納鷹,
但一過三十幾後塊臉就好易乾燥,甩皮,
而且仲唔曬得,
一曬d電車軌,三八紋就現哂出黎,
個樣立刻老十年,
你話我姣又好乜都好,
依家三十都過左咁多年了,
乜都唔搽真係唔多掂,
基本護膚和防老化我一定做,
男人都要見人,
唔係個個都係辛康納利,
愈多皺紋愈有型,
我唔想咁快俾人叫阿伯呀!

6 則留言:

l.minor 說...

我暫時都唔搽,不過我都覺得多咗火車軌

新鮮人 說...

其實男人搽都無所謂,
唔保養唔代表係男子漢,
太乾一定要搽,
你仲後生,
不過早點保養唔洗到時急 救咁麻煩,
保持外表整體下良好的習慣。

L L 說...

我要搽嘅野越黎越多喇,攞命!

新鮮人 說...

laulong,

証明你識保養,
係好事呀!

Ruth 說...

I use only moisturizer and it's good enough for HK's weather.

新鮮人 說...

Ruth,

能夠簡單是最好的!