2013年1月24日

戒煙 後感!

2012年10月19日下午開始戒煙,
至今三個月有多,
真的一口也没有再吸,
很難得,
笑 (唔知醜) !

戒煙後最明顯的感覺有兩個,
首先是胃口好咗,
本來胃口一向不差的我大食了,
不知是冬天易餓還是什麼,
總之食極都唔係好飽,
例如晚餐可以一個人吃十二、三碟壽司,
吃快餐店要加飯,
愈吃愈多,
就快變飯桶,
結果我變重了,
估計至少四至五磅,
我唔敢上磅睇,
有點怕,
要收收胃口,
唔可以再吃下去了。

另一個感覺就是...
性慾望強了,
早上又好,
看見美麗的"物體"又好,
都有點無名的衝動,
有點像少年十五二十時的感覺,
不過請放心,
我不會亂咁黎,
況且又不真的是性衝動少年,
絶對可以控制到自己,
不會做出下流犯法行為的,
只是想起人家說過吸煙會影響性能力,
我感覺是有點對的,
所以如果想生仔的話,
那就更加不要吸煙了,
我不是想生,
只是給大家一些意見!

其實戒煙後最吊癮係無聊無所事事時,
手指痕口又痕,,
好想揾啲嘢"隊"入口,
煙仔唔食得唯有"隊"嘢食,
食食下胃口就大咗,
真大鑊!
另一個吊癮情況喺係街見到人抽煙,
大家擦身而過一陣香煙味飄過,
真係好似鴉片癮君子嗅到鴉片膏一樣,
好想大大力索一下,
好feel好自由的感覺,
好懷念呀!
不過都戒咗咁耐,
我諗如果真係食返會頭暈唔舒服,
都係無謂走回頭路,
要free都free咗廿幾年,
乜自由feel都夠了,
都幾廿歲人囉,
乜quote都用盡啦,
話過唔食就唔食,
其實家裏還有半包煙在厨房,
係我特登放係度考驗自己嘅,
一個月前我特意拿根出來放到鼻尖嗅一下,
好~
完全無慾望要抽,
我知我成功了﹐
癮頭已經戒掉,
我應該會成功的,
我相信自己!

18 則留言:

l.minor 說...

加油,keep住,
真係估唔到吸煙危害健康之外,還影響性慾

新鮮人 說...

I.minor,

你無聽過薄荷煙殺精咩?
哈哈哈。。。。

悟樂 說...

繼續加油呀~~~~

L L 說...

正!你篇要全球推介喇!

戒煙百好,正!

新鮮人 說...

悟樂,

好,
謝謝你。

新鮮人 說...

laulong ,

老實講,
有時遇到d麻煩野搞唔掂,
真係好想抽根煙舒緩下,
好鬼無奈呀。

攞你命三千 說...

試下趙下香口膠,解口癮一流
戒煙後變肥好多人都有,要順道陪養埋運動習慣,可以消耗埋過盛精力

新鮮人 說...

三千,

口膠我都有 趙,
有d作用,
可以頂一陣,
依家無咁依懶口膠了,
仲頂得住,
做運動係好方法,
要的起心肝,
幾羅命。。。。
謝謝意見。 :)

樂遊 說...

「有點無名的衝動,有點像少年十五二十時的感覺,」
真係重中之重!政府應該用來造slogan,好過唱埋甚麼戒煙我撐你的廢up歌。

新鮮人 說...

樂遊,

"戒煙令你顯活力,
鞭鞭強勁又無敵!"

哩兩句得唔得呀?
哈哈哈哈~~~

梁巔巔 說...

唔會輸畀你~

新鮮人 說...

巔兄,

戒左未先?

Ruth 說...

Great! Add oil!

新鮮人 說...

ruth,

Thanks a lot! =)

匿名 說...

新鮮兄:

有志者,事竟成!Congrat要放棄數月來的努力!!

我同意運動是健身減肥的好方法,有去行山跑步嗎?

微豆

新鮮人 說...

微豆,

謝謝!
我"失頭歌"軟骨磨損過幾次,
唔可以以跑步和行山做操了,
只能選擇游水和踏室內單車,
凡事起頭難,
現在先從減食開始中!

macy 說...

新鮮人

加油咯, 戒煙後, 味覺、嗅覺、觸覺更靈敏, 皮光肉滑, 年青精神, 一切變得更美好, 恭喜恭喜!^^

新鮮人 說...

Macy,

皮光肉滑?
好吸引喎,
想自己摸自己添。。。

哈哈哈。。。。

謝謝鼓勵。