2013年10月23日

舊日電視點滴。。。



六七十年代,
睇電視是普羅市民的主要娛樂,
但電視機售價都幾貴,
一部差不多要成個月人工,
所以唔係家家戶戶買得起,
買唔起又想睇"歡樂今宵"點算?
唯有食完飯走去人家門口"裝裝下",
尤其係住公屋或山邊木屋區d細路,
下就放左學好多時候會見到一群群五六個咁,
屋企唔返,
校服又未換,
係咁"捕"係人家門口追睇"鐵甲萬能俠",
睇到日落西山都唔肯走,
個個老母拿住籐條追住打先去散水,
那種感覺就好似電視代表了一切,
日日唔睇過會死咁,
而且唔睇電視,
第朝返學邊度有得同人吹水呀,
會無哂社交能力架,
所以就算冒住俾老母打到飛起都要睇,
唔睇過唔到日子嘛。

13 則留言:

Ebenezer 說...

電視對好多人來講,係麻醉劑,對政權來講,起著維穩作用。

新鮮人 說...

六七十年代,
電視只是普羅大眾的免費娛樂,
並非任何政治工具,
沒有今天的複雜。

L L 說...

我都做過裝電視,多個裝女仔!

Ebenezer 說...

唔信,我話校長細個又裝電視,又裝女仔。

新鮮人 說...

應該兩樣都有"裝" 吧!!
哈哈哈。。。。

l.minor 說...

記得屋企細個時個電視係個櫃入櫃,有鎖的,老豆老媽子唔係度就偷開電視

新鮮人 說...

I.minor,

你講那種好舊羅喎,
有四十都有三十年前了,
依家唔係好多人見過這種電視機,
要有返咁上下成熟的人才知道架。

Haricot 微豆 說...

新鮮兄:

當我年輕時,大人經常去附近涼茶鋪看電視。

後來, 我離開香港,在加拿大賺取自己的學費和生活費, 父母才可以買得起一部小型天線 rabbit ears 電視機。

新鮮人 說...

微豆兄,

rabbit ears 電視機,
未經歷過的人未必會明白你說什麼,
但明白的人自然會發出會心微笑。

悟樂 說...

記得以前住公屋時成日係走廊睇人哋部電視~~~~

新鮮人 說...

對,
很多小朋友是這樣睇電視長大的。

l.minor 說...

祝你馬年快樂,工作事事順利!

macy 說...

新鮮人

祝馬年順意,身體健康~