舊日電視點滴。。。

六七十年代，
睇電視是普羅市民的主要娛樂，
但電視機售價都幾貴，
一部差不多要成個月人工，
所以唔係家家戶戶買得起，
買唔起又想睇"歡樂今宵"點算？
唯有食完飯走去人家門口"裝裝下"，
尤其係住公屋或山邊木屋區d細路，
下就放左學好多時候會見到一群群五六個咁，
屋企唔返，
校服又未換，
係咁"捕"係人家門口追睇"鐵甲萬能俠"，
睇到日落西山都唔肯走，
個個老母拿住籐條追住打先去散水，
那種感覺就好似電視代表了一切，
日日唔睇過會死咁，
而且唔睇電視，
第朝返學邊度有得同人吹水呀，
會無哂社交能力架，
所以就算冒住俾老母打到飛起都要睇，
唔睇過唔到日子嘛。