儍瓜問題(衛生篇)!

點解嗰條麻甩佬去完小解，可以完全唔洗手架？佢赤手空拳開完度厠所大門，咁我開唔開佢好呀！

點解厠格內個門把係濕嘅？唔會有人洗完手才入厠格掛！嘩～～愈想愈噁心呀！

點解搭枱亞婆，你可以係我臉前將食完塊雞骨，就咁吐係枱邊地下架？無牙都要講衛生架！

點解搭枱亞婆嗰仔，你可以就咁用手幫你亞媽撕開件雞架？你想佢痾獲金丫？喂！我睇到你撕完件油雞，就咁將隻手用自己件衫抺抺就算架！

PS.又話經沙士一役後，香港人注重衛生多了好多嘅！點解我今朝飲茶見到咁多噁心野架？