尋寶!

屋企附近發現間街坊『士多舖』,
竟然俾我見到細個時想食,
但係又無錢買的『寶物』,
尤其是那個【眼鏡朱古力】真係好COOL，
你有無試過載上臉扮超人？
重有嗰兩隻四洲松鼠仔，
咁多年都無物點變過，
真係超可愛！

其它的零食雖然未食過，
但係都十分『臉善』，
全部是大紅大綠嘅包裝．
好有懷舊的感覺～～
另外好似嗰啲七彩蝦條呀,爆炸糖呀,皮禮士糖呀,芒果乾呀...
從前日日小息睇到流哂口水，
可惜無零用錢買，無得食，
只有得個『恨』字．
今日再見到真係有種一次過買哂佢地返屋企嘅衝動！