2007年3月14日

成枝牙刷掉入胃!

【東方日報】三月十四訊
將軍澳一名貪靚婦人為求苗條身材,每朝進行扣喉式刷牙,將牙刷深入咽喉內......希望藉此達到扣喉減肥效果,將留在胃內的食物吐出。昨晨該婦人在寓所如常仰頭刷牙時,七吋長牙刷不慎甩手,沿食道滑入胃內,婦人大驚報警送院,醫生立即替她施行微創手術,利用連接鐵鉗的內窺鏡,伸入胃內將牙刷鉗出,救回一命。
晨早溜溜扣喉減肥?
早餐都未食啦,
扣喉都無嘢俾佢嘔出黎,
噚晚啲嘢食一早就消化哂,
扣黎都無補於事,
我估佢應該唔係想扣喉減肥!
哩個女人應該係中左電視廣告毒就真,
某隻牌子嘅牙刷話牙刷背部有塊潔淨塑膠,
可以用來刷脷苔和細菌喎,
佢可能唔用腦諗就信以為真,
所以愈隊愈入咪搞出個大頭佛囉,
其實脷苔厚只不過係反映身體唔健康,
你刷左去都無用架,
所謂治標唔治本,
佢都要揾出個問題所在,
然後對症下藥先有用架,
亂咁黎梗係會『舔』嘢,
正儍婆一名!

12 則留言:

匿名 說...

喂,我睇唔明你寫啲嘢嘅?

人哋都話係因為想減肥,所以用呢個方法扣喉。你無端端講擦脷苔,關咩事唧?

xiao

新鮮人 說...

xiao,
我重新arrange過個post,咁樣會好啲掛!

匿名 說...

我"爭"啲又想留言話仲係睇唔明架喇,不過又唔係幾好意思,諗諗吓係唔係我有問題,所以反複再睇,終於都睇清楚喇。你意思係唔係話查實個女人唔係因為想減肥而扣喉,而係想清脷苔咋? 唉,我真係鈍喇!

xiao

伊麵丹 說...

係就係治標唔治本
但係口腔大部分既細菌都係條利到
刮利苔係有佢既好處
呢個個案好明顯出於事主既無知= =
呢一代既細路希望唔會咁無知啦^^

新鮮人 說...

xiao,
就係咁囉! :)

bbj,
用溂口水重有用啦,
無事嘅,啲脷苔自己會消失!

匿名 說...

嗽口水唔適宜多用。基本上口腔又好,其他身體部份又好,只要有恰當嘅清潔就OK架喇,唔駛刻意要殺哂啲菌架。人體本身個構造都係會有"菌"。唔好畀啲商人誤導搞到失去正常嘅生態平衡呀。

xiao

新鮮人 說...

xiao,
但係啲牙醫都叫我日日用溂口水嗰喎?

匿名 說...

牙醫只會講有菌咪要殺菌囉,佢唔會講有咩唔好,亦可能係唔係好知。啱,口腔裡面如果唔保持正常清潔,細菌就會積聚,會引致牙周病、蛀牙等。牙醫當然會從牙齒出發去畀意見。但係冇乜牙醫會講畀我哋聽嗽口水可以殺菌之餘,用得多都會影響埋口腔裡面的enzyme(因我嘅字庫冇呢個中文字),而呢啲enzyme 係會幫助食物消化嘅。正如我上面所講,係影響左口腔裡面嘅微生態平衡。

xiao

Pinocchio 說...

我也在減肥中...不過唔會咁做囉~

新鮮人 說...

xiao,
你好清楚喎,唔通你係醫生? :)

木偶,
你好肥咩,後生仔唔好吓吓話減肥喎! =p

匿名 說...

我唔係醫生,不過我諗有啲醫學上嘅嘢可能好多醫生都未必識嘅,我都或者可能知少少咁喇。個問題係好多醫生唔意識到醫病唔可以單單認識片面問題就去做診斷,人體係世界上最複雜嘅"機器",要真係幫到病人,佢哋要知嘅其實係要好多。分科係需要,但係唔代表做耳鼻喉科嘅就唔駛識內科、神經科囉。係好harsh架喇,人命黎固喎,點講得笑呀!

唉,我都係識少少,扮代表。如果有咩醫生朋友經過見到,唔好見怪。唔係人身攻擊,係一個現象,就算當面講我都敢。

xiao

新鮮人 說...

xiao,
唔怕喎,我哩度無物醫黎架,
就算有都無所謂,你都講得好合理呀! :-)