噚日又一單老夫少妻情殺案,(雖未死但都重傷)
粉嶺華明邨64歲醋夫鏹水淋年輕26載妻,
好明顯都係年紀相差太遠,
夫婦溝通不足,互不信任所致,
我個人就唔多相信老夫少妻,
又或者係老妻少夫哩家嘢的,
啲人成日話只要有愛情年齡唔係問題,
呃人架喇,
十年八年都話可以,
兩個人相差成廿幾三十年,
點會溝通得好吖,
又好似楊震寧娶個28歲大學生,
做得佢孫女呀,
相差成54年點搞呀,
無論思想,觀點,品味都唔同啦,
就算真係咁夾又點,
過多幾年自己都仙遊啦,
留返個老婆自己孤怜怜一個咩,
佢重有大半世流流長呀,
又當你長命百歲吧,
但係咁老又可唔可以行房呢?
到時個老婆都係三十多歲喳,
唔係嘢嘢講伯拉圖式戀愛嘛?
男人女人都有一定嘅生理需要嘅,
唔通成世食自己咩?
老實講,攞黎搞喇,
啲阿伯唔信鏡,
係都要返去娶返個妹妹仔做老婆嘅,
結果咪搞多幾單情殺案出黎囉!
7 則留言:
已作古人的前高官曹廣榮曾公開他個人對婚姻的見解：
初中讀書時喜歡廿歲的明星，視為尤物；
年青諗大學時喜歡廿來歲的女同學，因志趣相投；
事業剛有成時喜歡比自己年輕數年的女子為結婚對象；因對方仰慕自己的才幹；
步入中年時依然喜歡廿來歲的女子，因對方欣賞自己事業有成，成熟穩重；
退休後依然喜歡年青女子，因退休後心境依然年青。
死未？
程霜,
我忽然記得有人話過:
"你估謝霆鋒個女朋友細啲,定係謝賢嘅女朋友細啲呢?" =p
學你話齋，溝通係好緊要嘅。所以就算同年齡相近嘅人相愛、結婚，咪又唔係一樣咁多人要離婚收場? 所以好老套咁講，最緊要真係真心，另外心境同成熟程度係好關鍵嘅。
但係，你哋覺唔覺，"老夫少妻" 同 "老妻少夫" 兩者比較，後者更難令社會接納。其實都唔難理解嘅！男女始終都唔能夠做到真正平等嘅。
xiao
Xiao,
溝通一定重要喇,
但係如果再加上年齡嘅大差別就更加難了!
我接受到架,十年八年都無問題,
但係差成廿幾年就難啲,
其實唔係接受唔到,
係鄧個女人驚啫,
個後生仔受唔受得起外便咁多誘惑呀?
"係鄧個女人驚啫,
個後生仔受唔受得起外便咁多誘惑呀?"
呢個咪就係現實囉。女人冇男人咁襟老；後生女拖住個年紀大啲嘅男人，只會話個男人成熟（楊振寧個case係極少數裡面嘅極端例子），但係如果個後生仔拖住個auntie 出街，你估真係會唔介意? 我就唔信嘞。呢個的確係極大嘅考驗黎架。
xiao
相差廿幾三十年的阿伯都嫁，你估真係因爲愛咩。
xiao,
愛情哩樣嘢有時真係幾盲目,
但係可以不埋世俗人的眼光,
無可否認是好難做到的,
但係要過到自己嗰關都己經不易了,
試問有幾個人可以完全不介意外表呢?
hanamaru,
無唔係無,不過相信是極少,
大部份為錢,就係為居留權!
發佈留言