2007年3月11日

H&M,又一廉價名牌時裝!


對我哩個時裝白痴來講,
我對H&M唔係好認識,
M&M朱古力我就熟啲.
但係噚日見佢開張大吉,
間中環旗艦店成幾萬呎,
又有咁多名人走去朝拜,
再加上舖天蓋地嘅宣傳,
就上網睇下佢係物家伙,
原來佢地係瑞典名牌喎,
重有成六十年歷史咁耐,
以前賣啲低檔廉價女裝,
後發展到男女老幼都有,
再同名師搞cross over,
近期娜姐都有份做設計,
啲質地好唔好就唔知了,
好似話幾百蛟都有交易,
聽講佢地無自己生產線,
全部係俾款廠家自己做,
強調低廉價錢高級設計,
又係剝削廉價勞工結果?
再次是大企業鯨吞市場?
其實咁發展下去唔健康,
將來啲獨立設計師死梗,
但啲時裝友多啲選擇囉!

PS:香港未來最傑出嘅buyer,等緊你啲高見架!

延至閱讀:
H&M HONG KONG

10 則留言:

匿名 說...

仲乜鬼嘢句句(除了cross over那句)都係10個字...特登架??

中環站貼滿娜姐的H&M廣告..講真真係幾鬼型..真係唔諗住買都想去趁下熱鬧...

新鮮人 說...

pigbon,
係唔係好型呀?
視覺效果靚啲,
咁就人都醒啲,
大家睇得好啲! =p

匿名 說...

我個人覺得H&M幾得架!
最重要你可以用好平嘅價錢買到大師級作品!
H&M嘅忠旨係: Fashion and quality at the best price
佢地的確無自己生產線, 但亦唔經中間人, 即係佢地會直接跟工廠落單, 唔會經"行"做, 咁就起碼慳返30%啦! 如果話係剋扣勞工, 瑞典品牌應該唔會用果d廠, 因為同瑞典人嘅文化有關. 而且如果係made in china, 大家唔好睇少呀! 好多大牌都made in china的! 特別係廣東省嘅廠, 質數手工都好好架! made in china嘅衫工價已經唔平喇, 如果d品牌真係想慳工價, 你就會見到made in Indonesia呀, made in Thailand呀, Vietnam呀,India呀咁喇!

H&M嘅質地同做工好唔好我未知, 因為依家實勁多人去我就一定唔會而家去! 遅吓去過話你知呀~

新鮮人 說...

anmary,
sorry sorry,
對唔住呀,
我差啲都記唔起你都係時裝人呀,
遲啲試過要講返出黎俾大分享下! ^0^

新鮮人 說...

anmary,
其實我都知大陸啲手工真係唔差,
只要qc做到好就無問題,
至於H&M有無同一些刻薄工人嘅廠合作就好難講了,
就算瑞典人唔會,
我地都好難睇清啲大陸人嘅古惑招啦,
更可況係外國人呢?
(可能我對內地/香港商人太無信心囉)

匿名 說...

hahahaha!!! 唔駛sorry啦!
而且我已經係退役馬囉:p

唔... 講到QC問題, 老實講, 我一向做日本品牌, 佢地嘅QC嚴謹好多的! 所以日本品牌嘅衫通常造工都唔錯的, 但美國就最唔得, 我喺一間美國大廠做過1個月, 就已經互相頂唔順了.... 我頂唔順點解件版造得咁差都可以寄俾個客(奇在個客又批喎....), 佢又頂唔順我太挑釁, 所以我好快就走人喇...

不過美國嘅high fashion又無呢個情況嘅, 你俾得呁嘅價錢佢又唔敢俾啲垃圾你嘅, 但中價或以下品牌就係死得... 而且佢地嘅工價平到嘔... 所以你差啲架喇...

所以, 一般同等價錢的話, 日本嘅品質會最好, 歐洲都唔差, 美國唔係名牌我唔會買... 因為真係買唔落手:p

我未會咁快去H&M, 因為最怕同人迫, 遲啲去完話你知~

其實呢, 好多內地/香港商人都OK架....
起碼我未遇過會剋扣嘅廠啦!
因為日本品牌非常注重品質, 啲廠都唔知幾驚啲好嘅工人走呀! 所以待遇人工都唔差架! 因為走左要搵過一批又好手工又熟手你估咁易!? 特別廣東省, 挖角情況都幾嚴重架!

匿名 說...

係挑剔.... 打錯字=_="

新鮮人 說...

anmary,
多謝你的解釋俾我哩個門外漢呀,
而家清楚了不少!
thanks!

bbj 說...

當年係英國的H&M冇咩人著架!

新鮮人 說...

bbj,
但係而家好多人排隊都要入去,
真係新屎坑三日香,
香港人就係咁! :p