2007年4月3日

正垃圾!


朝朝早經過月華街公園,
都會係同一個位置見到一堆垃圾,(今朝己經係最少了)
我估計係啲死靚仔夜晚係度吹水留低嘅,
因為有時夜晚經都見好多靚仔係度溜漣,
差不日日都係咁,
行過兩步就有垃圾筒啦,
佢地學校家長無敎嘅咩,
成班正垃圾無家敎,
行多兩步掉會死咩?

哩啲咁嘅垃圾少年我都見唔少,
見過成班係廣場樓梯食外賣M記,
成五六個人食完就咁掉哂啲紙袋係樓梯,
臨走重要踏兩腳,搞到一地都係汽水,
正人渣無敎養抵佢地將來做垃圾佬受返哩啲嘢!

早幾個星期又見過幾個飛女學生妹係公園食煙,
食完手指一彈就咁將枝未息嘅煙仔彈落地,
有無搞x錯呀,
女仔之家著住校服係公園食煙己經衰格到無人有架啦,
重要咁樣掉煙蒂,
好易會火燭架,
如果唔係佢地走得快,
我實會走埋去問候佢地全家,
重要佢地執返枝煙仔,
哩啲咁嘅『社會楝樑』正廢物,
連咁基本嘅社會責任都唔識,
真係唔死都無用呀,
正垃圾!!

7 則留言:

xiao zhu 說...

新鮮大佬:

如果班飛女學生妹真係未走,你係唔係真係會走埋去問候佢哋全家架?

新鮮人 說...

xiao,
咁就唔會一埋去就問候咩,
不過就一定會叫佢地執返個煙頭,
道理係我嗰邊,
怕物呀?
佢地唔執我最多咪報警囉!

匿名 說...

如果香港地多一些你呢類人夠膽出聲,香港
會少很多不平事^^

匿名 說...

正所謂"物以類聚,人以群分",佢地同垃圾一齊,但係無公德心都係垃圾,哈.

新鮮人 說...

coobe,wutkwo00,
見到哩啲人就會火滾,
有時真係唔抵得頸架,
其實係啲好簡單嘅嘢,
佢地咁做肯定一點社會責任都無,
唔係垃圾重要係物吖? 唉~~~

bbj 說...

依種人覺得自己好勁咁,乳到佢地後面就憎佢前面!

新鮮人 說...

bbj,
直情要打完心口打背脊啦! =p