昨天hanamaru談到男人不壞，女人不愛？,
今天看報紙又見到徐妻說對十三年愛情無怨無悔,
難道有些女人真的會對壞男人死心塌地？！
我諗首要條件係女人覺那個壞男人『好』，
當然『好』是因人而異，無一定的標準．
小學時都己經發現這個現象，
就是那些愈頑皮的男生就愈多女生留意，
愈唔交功課，愈給老師駡的男生就愈多『女』係身邊，
其實真係唔多知點解？
到左咗中學這個現象就更加明顯，
中三有個幾型嘅同學佢成日逃學考試又差，
但係身邊啲女生就『貨如輪轉』，
最難頂係當時連啲MISS都錫到佢濃,
諗起都火滾,
好彩佢後尾升唔到中四,
真係心都涼埋呀!
你問我點解我都唔識解!
這個問題可能女生才會答得到,
但歸根究係女生迷戀那種『壞』,
就算明知那個男人對自己唔上心,
又或者男人根本是一腳踏多船,
女人就愈會不停的想起他,
是不是愈得唔到的愈是想要的原固呢?
是不是享受那種挑戰無結果的刺激呢?
相反對於呵護備致的裙下之臣則不以為然,
女人那顆心總是喜歡向着得不的男人身上?!
12 則留言:
新鮮人，雖然我都幾認同「男人不壞，女人不愛」，但徐步高並唔多似「男人不壞，女人不愛」中既壞男人喎。
我覺得係兩樣野黎既，不能相題並論。
唔係喎，你講話果類男仔，就算多女仔黐埋去，多數都係唔係好正嘅女仔黎咋噃。我見通常百厭、活躍而又受歡迎嘅，就算成績唔係最好，都唔會太差嘅，總應該有啲優點嘅，例如運動好叻，或者某方面表現出有佢嘅性格，先會吸引到啲女仔嘅。
如果講到"得不到"嘅問題，咁就又係果句，冇分男女，個個都係咁架喇。
1* 自尊心: 咁多人爭, 爭得嬴好巴閉
2* 壞男人識tum女人
3* 壞男人其實男性荷爾蒙係高o的, 男性特徵明顯
4* 一種錯覺: 壞男人對一個女人好, 一定係真心愛佢先會咁做
然後愛上了, 先發現愛錯, 但難以自拔.
補充, 壞男人應該單純係指個格. 到o左我o地呢o的廿幾歲, 一味剩係識壞, 冇事業, 唔溫柔, 唔smart, 邊有人理o架?!
jerry,
哩個就係觀點同角度了，
如果對身邊的男人知不多，
更不知佢時常上深圳滾，
又四處獵艷，
這樣不是每個女人可以接受到啊！
xiao,
情人眼裏出西施,
佢地覺得嘅優點,
外人可能完全唔覺得架,
所以見人見智囉!
我不喜歡壞女人的! :p
becky,
都係嗰句,
你覺得好嘅就物都無問題,
愛情係盲目嘅,
你喜歡嘅就算佢惡到死你都覺得佢好温柔啦! :)
um...我現在反而對體貼的男人（唔係麻煩同婆媽嗰Ｄ男人>.<)加分噃，唔知係咪年紀大了嗚嗚...
不過讀書時又真係比較喜歡活躍而又運動好叻Ｄ男仔。對成績好嗰Ｄ反而冇乜感覺。
rabbit,
就是這樣了,
頑皮的男生多數受女生注意喎! :)
壞既定義因人而議,因為他/她某方面的好足以蓋盡所有的壞,對她來說已很足夠!有些女人很奇怪, 總覺得壞男人會因為她而改過,也袛有她才可以感動他從好, 從中自我犧牲的感情特別發達,睇? 我幾偉大?＜－傻傻地＠．＠～
不可否認，活潑好動者是較eye-catching既～
新鮮，你多係每日跑幾圈游下水啦 XD
風信子,
"你多係每日跑幾圈游下水啦"<--
-_____-!!!!!!!
我覺得女生眼中的壞, 是那種皮皮的帶點不羈的感覺..
木木獨獨的人是比難引人注意, 無論是男生或女生~
壞男人的生活一定不會乏味。
木頭狗,
好一個"不羈"啊! hahahahaha~~~~
程霜,
有咁多女生係身邊,
想悶都難囉! :p
發佈留言