從買兇殺父母到 爬樓殺前女朋友

【蘋果日報】十一月八日

少 年 被 沒 收 PlayStation, 買 兇 殺 爸 媽
美 國 發 生 一 宗 買 兇 殺 人 案 。 買 兇 的 是 16 歲 少 年 賴 德 （ Cory Ryder ） ， 要 殺 死 的 是他 媽 媽 尚 納 恩 （ Shannan Troiano ） ， 殺 人 動 機 只 是 她 沒 收 了 他 的 PlayStation 遊 戲 機 ， 不 准 他 看 電 視 。 媽 媽 知 道 後 傷 心 欲 絕 ， 但 為 要 他 知 錯 ， 狠 下 心 聯 同 警 方 設 局， 將 不 肖 子 拘 捕 。

殺咗自己父母就可以解決問題咩?
殺咗就會有返架遊戲機咩?
其實哩個賴德什麼都無諗過,
只知道有人阻頭阻勢就要"做低"佢,
話之佢係父母定係邊個!!!

就好似今日頭條,
22歲那個涉嫌強姦前度女友嘅青年,
半夜三更帶齊工具爬入前女友廿四樓間房斬殺佢一樣,
殺咗佢自己就唔會畀人告強姦咩?
而家咪被人告多條意圖謀殺囉!
現在不少年青人做事真係不理情由,
不顧後果,所謂『遇神殺神,遇佛殺佛』
唔理自己有無道理,有什麼結果,
話之你係邊個同有幾難落手吖,
總之唔合心意就殺咗先至算.

歸根究底都係而家啲父母唔識教子女,
一方面無花時間同佢哋溝通,
淨係識從物質上滿足佢哋來補償,
佢對住個playstation多過對住你呀,
你攞佢部機佢唔"咬"住你唔放至奇,
所以咪買兇"做"低你囉;
另外,而家啲細路由細被父母寵到大,
講物要物都就哂佢哋,
自己從來都唔會覺得自己有錯嘅,
大咗遇到挫折當然接受唔到啦,
嗰個廿二歲青年,情豆初開,
血氣方剛,見到自己個女朋友冰膚雪咁靚,
梗係想一親芳澤啦,
嗰時風頭火勢,你唔畀佢,
佢由細"惡"到大嘅梗係會"強"你啦,
好啦,你事後告佢強姦佢又點會接受到喎,
而家你玩到咁大佢就惱羞成怒囉,
為咗一洩心頭之恨,
佢咪又重施故技,
一於做"蜘蛛俠"爬上黎"剧"低你囉,
係唔係洗脫到強姦罪佢就根本無諗過了,
但係起碼做完條氣會順啲,
哩啲咁嘅悲劇原因無他嘅,
咪自細無人教佢哋什麼是"對錯"和"尊重妥協"囉,
你唔信咪試吓夜晚行出旺角"超"吓啲潮童吖,
佢哋唔"丙"到變豬頭先奇呀!