2007年12月7日

午餐肉又出事


罐頭名牌"梅林牌"午餐肉檢出內含致癌物質"硝基呋喃",
食物及衛生局局長周一嶽又被人鬧到飛起,
其實早於8月新加坡己經指出部份梅林牌午餐肉有問題,
到12月3日本港食物安全中心都驗出有問題了
周局長仲好似無物反應咁,
到噚日中央說要暫時禁止出口時,
周局長先至呼籲零售商回收,
這不是反應遲頓又是什麼?

老實講,今次午餐肉所含的"硝基呋喃"極其微少,
其實食多一罐半罐都唔會有大問題,
周局長最失敗是係風聲鶴淚時毫無反應,
下下都要睇住阿公點做先至敢郁,
如果係未驗明正身前驚回收錯嘅,
你咪開聲講句話:
"部份午餐肉可能成份未明,請大家暫時不要食用",
咁樣做咪可以塞住啲怕死嘅人把口囉,
係人都知香港人出名"龜毛",
佢連咁簡單嘅官僚說話技巧都唔識,
抵你日日被人鬧啦!

14 則留言:

Walter 說...

好多香港人都係驚弓之鳥, 少少野就放大到好似好嚴重.

不過, 呢個局長又真係慢半拍, 人家8月份都禁止入口, 香港資訊咁發達都收唔到風, 無做野. 等阿爺出聲話禁出口先至做野...呢d官..唉!!!

The Inner Space 說...

周醫生一嶽局長是謙謙君子一名,
如果唔系為捱義氣出來頂替楊官,
他還是安心坐在醫院做緊老本行,
高薪厚職錢名都賺到夠他不至在,
為何周醫生一嶽局長先生還在呢?
你想又多一個林局長咁捏橫節曲,
畀一些巧言辭令瞞騙公眾大花面?

The Inner Space 說...

再者小量的毒週圍都有,
連石頭都有微量輻射喇,
有幾多要幾耐至會死人?
個 D危言危言聳聽嚇人,
人身體有能力排出毒素,
如果連呢樣都唔用一下,
免疫排毒的功能就失去,
到時香港人咪一些抵抗力都冇?

新鮮人 說...

walter,
所以我話佢係政治遲頓囉!

新鮮人 說...

space,
周局長係咪有心人我就唔知,
但係佢做官技巧就真係好差,
好似藥物名單,醫院醫死人,
而家又加埋午餐肉哩單,
其實你話係唔係全部佢就責任又未必,
但係經過咁多嘢佢都唔學精啲,
動作又係咁慢無啲醒目,
咁就可以睇出佢唔係做官嘅材料啦,
好話唔好聽,今次就是少少硝基呋喃啫,
如果係大鑊嘢嘅,佢咁慢手腳,
真係死咗人又點先???
唔係要死幾十個先至開聲話???

無情夜冷風 說...

我地都有梅林牌午餐肉買
不過包裝有點不同
總之科技越發表
人的疑慮越多
均衡飲食還是最重要!

The Inner Space 說...

新鮮兄:

哈哈! 我咪就即唔系側寫,叫周生不如返去做醫生,做香港傷殘奧運會領隊,好過學林局長孫公呢啲巧言辭色之流,同流合烏!

新鮮人 說...

冷風,
而家咁多嘢食多問題,
真係唔知食物好囉! :(

新鮮人 說...

space,
噢~~我估唔到你咁"衰",
咁樣吋人哋架嘛!! :p

你講嘢個林局長係邊個???
唔係林煥光嘛,
你頭先咪話佢好嘅咩??

新鮮人 說...

space,
呀~~~我記得啦,
係"林睡倫"喎! :p

我其實對林煥光無好感,
嗰時嘢嘢幫住啲公務員,
我唔多like佢架! +___=!

匿名 說...

殖民地政務官是盡忠職守,你們不喜歡的腋瘤,也是執行上面交下來的任務。

林煥光如無記錯做過公務員事務局,在其位當然做應謀其政,幫公務員爭取福利。

反而四萬之流,是政策局,得過講字,她有落手落腳做過乜野成績?

我最有印象是介紹陳方安生,她做港英福利署署長的郭阿女事件。

新鮮人 說...

space,
無錯,我係覺得部份公務員又做唔到嘢,
但人工年年加,
佢幫佢哋爭取就是搶我哋啲錢,
所以我唔like佢囉!

陳太唔講喇,
留返下次,
唔係又有排講! :p

狩萌獵人 說...

基本上咁少的物質係無問題,
只係人地知有問題就咁黎亂,
這不就是"吹毛求疵"嗎?

新鮮人 說...

獵人,
咁少應該係無問題,
人家擔心嘅係個安全檢驗制度,
如果個制度唔安全,
將來唔知會有什麼更嚴重嘅問題發生嘛!