圖片:蘋果日報
近日真係畀港鐵啲數字遊戲玩死,
什麼由西鐵轉東鐵去沙田慳幾蚊,
又什麼點樣轉乘有優惠,
一會又話有人轉車扣多錢,
又話取消什麼月票優惠,
搞來搞去搞到人都頭昏腦脹,
都唔知佢哋想點?
最攞命係佢哋嗰個車票對換表,
又細又密又難睇,我哋都睇到頭暈,
你叫啲阿婆阿公點睇呀?
就算睇到都無用啦,
唔通個個揸住個計數機慢慢計咩?
千計萬計先至慳嗰二三蚊,
拮串魚蛋都唔夠錢呀!
仲要轉三四轉車先到目的地,
到咗都嘔到一地都係啦!
唔係話二三蚊唔係錢,
但搞到咁複雜為物喎,
最好就係全部車費下調10-15%,
咁就你明我明大家明啦,
如果無着數嘅,
合并來做什麼喎,
好搞唔搞攞黎搞,
關我哋屁事咩??
16 則留言:
我覺得其實唔係減好多，我日日搭呀，平嗰幾蚊，有鬼用咩．．．．
好彩我好少要坐地鐵
攪到咁複雜就係想你留意佢
咁咪已經係宣傳效果lor
你中左佢計啦，del左篇文啦XD
bbj,
好過無咁啦!
coobe,
唔好咁講,
係香港生活,
好難完全走出佢魔掌架!
伊麵丹,
唔係留意嘅問題,
衣食住行是必需品,
我們可以唔理佢咩?
其實呢,我覺得,日日都係咁搭架啦
減價其實冇咩影響,都係咁搭
唉,其實我覺得係香港做生意都幾慘
加價又比人嘈,比人話無良
減價又比人嘈,比人話減得少
我由觀塘去紅磡本來要$6.5
地鐵果程有學生價$3
火車由九龍塘去紅磡係$3.5
依家因為無左轉閘費，
所以由原本total $6.5減到$4.2
但一定要轉乘先有得咁平
即係要好似我咁由地鐵轉火車
天使,
問題係港鐵不單是生意一盤,
她是一個控制了大量香港人嘅交通工具,
如果無監管就會出現好大問題,
而今次不是減多少的問題,
而是減得複雜減得混亂,
而且不少以往的優惠都取消了,
所以實際所減不是很多,
加上減價是合併的先決因素和理由,
如果她不能實踐,那又何必要多此一舉呢??
yanyan,
你有學生優惠梗係好啦,
難為啲無優惠嘅人,
要左計右計先至可能慳雞碎咁多!
咁其實宜家買串魚蛋要幾銀 （ー_ー？）
冷風,
五蚊左右,
不過細粒咗好多,
大粒嘅有時要十蚊囉!
五蚊聽起嚟已經好貴 =.=
細個時無咁貴！
冷風,
細個二蚊串,
而家五蚊唔算了,
香港而家物都貴,
豬肉今日都由年初嘅28蚊斤加到40蚊斤囉!
作為港鐵的股東,你的意見,我係會接納的
不過,我得幾百股,無決策權喎, wakakaka
lala,
你就發啦,
以後一鐵獨大,
啲股價想唔升都難囉! :p
發佈留言