圖片:蘋果日報
板前壽司老闆一擲42萬於日本築地買下吞拿魚王,
不單震驚日本魚業界,亦使本港各大報張頭條報導,
只需要42報就可以做到這麼大的宣傳,
真是除笨有賺,果然係出色的商人!
吞拿魚王除三分一會留在日本板前分店外,
其餘三分二會空運返港出售,
而且會以五十元一客蝕本價售予食家,
如果無估錯的話,板前壽司這兩天又會大排長龍了!
近年香港表面好像經濟復甦,
五十元一客吞拿魚王刺身一定很多人搶試,
大家還記得早前有豪客豪拋百萬一嘗黑松露菌吧?
聽說農曆新年的幾萬元豪華旅行團亦一早爆滿,
香港人真係好似好有錢好富貴!
但當我們回想現在百物騰貴,
麵包,糧油,交通等等基本價格都在標升,
實際上不少小市民都是"揾朝唔得晚"時,
我們就可以看到什麼是"貧富懸殊",
有人花十萬元去北極玩十多天,
但亦有人連五元一個包都要諗過算過,
當然各有前因莫羨人,
人家的高生活水平可能都是辛苦得來的,
但相信不少小市民都是每天辛勤工作,
卻還是過着捉襟見肘、朝不保值的生活,
一個有責任的政府對這樣的情況是責無傍貸的,
如果政府再不重力改善情況,
大眾市民不滿只會愈來愈厲害!
我們時常聽見"普選"這些口號,
究竟多少人真的完全明白為什麼要普選,
我相信其中是反映出不少市民對政府施政不滿,
如果政府連人民的生活質數都改善不了,
那麼怎叫大家不對現今無能的政府投下不信任的一票呢?
23 則留言:
點樣保證畀咗 五十個大洋 真系食道 藍鰭吞拿呢？
去板前壽司 排隊都未必食得到 真個播！
今次消費者委員會點去保障啲消費者呢？
又搬 Caveat Emptor 做擋箭牌！
SPACE,
我估計,估計喳,
佢搞到咁大都係博宣傳啫,
如果真係畀假嘢人食咪倒自己米,
邊有人咁笨架!
而且42萬之嘛,
做電視廣告都唔止啦,
而家報紙頭條,
遲啲電視"食得知味"又播喎,
豪比啲食客做宣傳又有物所謂喎,
係未? :)
你分得出吖？
願者上釣！
E+ 貧富懸殊兩極化！
在貧竆占大多數若普選、直選，
願意開倉派錢的福利派最得著，
到儲備全部用嗮，再舉債都冇，
最後，阿公要香港來做咩？
經濟好景係假象，我做呢行都知咩事。通脹再加租，其實好多公司都生意難做...
"一擲42萬於日本築地買下吞拿魚王"
這種宣傳技倆的確明智,既有卓頭也可成為新聞版,42萬連我這不吃魚生的也知道,高招~
另,經濟低迷時自有經濟低迷時要做的事,現在是經濟復甦但百物騰貴,也加強了貧富懸殊的兩極化,開倉派錢是其中一種方式,但不可以低迷係咁復甦又係咁,咁我地要政府來做乜?
space,
我分唔出架,
你分得出咪得囉! :p
翔,
你說得對,
表面風光,
實際空虛,
好多嘢都唔可以看表面!
風子,
生意人當然有高招,
唔係點會愈來愈發!
搞活經濟,
多元化加減少貧富差距就是政府要做的,
當然這是不易做的,
但着實看不到政府有何實際的方向,
所以哩個政府真無能!
When I read the news, I read also the working history of the owner. He's someone started from scratch and not someone from a rich family. I do admire people who build their wealth by themselves in a solid way, such as opening restaurants.
ruth,
咁佢都係醒目仔一名,
白手興家,有本事! :)
係外國所謂民主國家也深受過這些苦不小。
當一個政黨把經濟攪得活起來，
啲福利黨派就要求派錢，
在審慎理財原則下派得少，
啲人民就選福利黨派上臺，
好喇！ 將積聚的錢派完，
甚至舉債，討好選民，
攪到蕭條，冇人投資。
到果時唯有選返畀摒棄的政黨，
返來收拾殘局，
週而復始，一個一個 cycle。
香港應該以史為鑒！
新鮮兄：
圖片中那位年輕人就是 『板前壽司』老闆本人？
space,
無人話要派錢,
係要搞好貧富懸殊這個大問題啫,
你覺得香港係一個福利社會嗎?
你覺得現在貧富懸殊不是愈來愈嚴重嗎?
你唔發覺啲地產商個個都走哂出黎選港區人大嗎?
你覺得政府哩幾年有着實搞過解決貧者愈貧嘅問題?
你知唔知香港有幾多人生活係貧窮線上?
你知唔知香港幾多人日做夜做都得揾朝唔得晚?
你知唔知有啲老闆情願攞啲錢同老婆去日本玩,三個月都唔出糧畀伙記吖?
你又知唔知好多老闆唔供強積金,逼啲員工自己供吖?
當你生活富足時,
你又知唔知好多人生活在水深火熱的日子?
你有幾多個朋友,親人係生活在這樣的情況吖?
你講得好口響,字字珠璣,道理大條!
但你有無真正去留意,見識,感受低下階層嘅苦況?
有理無不正義的事日日天天在發生着,
政府有無真正正視過吖?
福利主義社會???
我吥, 香港連基本嘅民生安全網都未做好呀?
幾時會到"福利主義"社會吖??
發佢個春秋大夢,
簡直不知世間何千秋!!!!!
如果普選直選在大多數選到啲福利派做特首和
立法會大多數派是放水議員你是否反對民主少
數服從多數呢若果成事把香港變成福利社會開
倉派錢就是亡港之日有乜機制可以防止發生呢
香港E+啲綜援戶養埋啲懶人已經是香港的毒瘤！
SPACE,
如果你話驚直選會產生福利主義,
這是"因嚥癈食",
幾時直選, 點樣發展,如何進行等等還在商討中,
直選同福利主義一定會劃中等號嗎??
但現在貧富懸殊的問題正急速發生着,
政府可以不聞不問?
如果政府這樣都不做點事情,
不是無能是什麼??
食不飽不暖,
我們要個政府做什麼?
你知什麼是"民心向背"吧!
SPACE,
成日話福利主義,
啲窮人愈來愈窮,
連麵包都買唔起啦,
福物鬼呀?
而家係講緊飽肚喳,
直選都未講到頭,
鄧伯伯唔講民主,
但至少着力餵飽人民個肚吖,
而家香港政府係什麼?
貧富懸殊愈來愈大,
政府做過啲物吖?
唔好同我爭辯,
你答咗哩個問題先??
你慢慢找吧,
都唔易架!!!
係你把 民生 同 民主 普選 連埋一齊講先個播！
我們時常聽見"普選"這些口號,
究竟多少人真的完全明白為什麼要普選,
我相信其中是反映出不少市民對政府施政不滿,
如果政府連人民的生活質數都改善不了,
那麼怎叫大家不對現今無能的政府投下不信任的一票呢?
民主不是萬能！民主政治只是一種妥協！
有普選但你又吞不下，選出來的不合你意，少數不服從多數，咁既又要反呀？
SPACE,
係我連埋一齊,
但"直選"同"福利主義"劃上等號嗎?
請不要轉移視線!
仲有你無答到個問題!
邊個話"有普選但你又吞不下"??
邊個話"少數不服從多數"???
同地內十二億比呀??
講香港物都唔洗講啦!!!
無人話要派錢 是你上面說的。
但一旦普選，選咗啲派錢的，你又接不接受呢？ 是否有話普選不好呢？ 選咗啲派錢的？
好嘞！ 凈係講民生！
E+ 是香港內部人口勞力腦力工種錯配，
有人冇工做，有工冇人做！
根據經濟學 供求理論
過剩的會自動流失，遷移多別處，
有需求的就會吸引，外來者加入。
唔好唔記得香港仍然有大陸單程證來港的每天不少，這批人多是低技能的，不是優才計劃的那批！他們有份做成現今社會貧富懸殊的問題。
現今香港又阻不到單程證繼續流入，這個貧富兩極化只有惡化，除非改變政策，停止單程證，還讓低技能低收入的，讓他們自由遷往低生活指數地區，可能是另一個辦法。
Space,
你又知普選就一定會大派銀紙??
唔係淨係你識講什麼經濟學 供求理論等等大道理,
唔好當普選就等如大開國庫,
唔好以為人人都咁盲目,
就算要派都要慢慢討論,
你估一選就會清倉架??
請不要再把民主和盲目派錢劃中等號,
我己經講咗兩次了,
唔想再講這個point!
你講嘅民生方法,
無論我讚唔讚成都好,
但這些一些操施,
(可能)可以改貧富懸問題,
當然或者會有更好的方法,
但政府就係什麼都無做,
不如你又提議吓畀政府,
睇吓佢聽唔聽你枝笛吖!
你又知普選就一定會大派銀紙??
你又點知一定唔會大派銀紙呢？我唔系將兩件事華山等號，我是指可能發生啫！
又 我上面咪講咗
普選有機會 『如果普選直選大多數選民選到啲福利派做特首，和立法會大多數派是放水議員』
咁咪 『要少數服從多數』
咁就『把香港變成福利社會開倉派錢就是亡港之日』
我再問 『有乜機制可以防止發生呢？』
而你自己都話：『就算要派都要慢慢討論,
你估一選就會清倉架??』
我可以話：
系呀，如果直選特首是派錢黨， 而由直選出大多數立法會議員又是派錢黨，咁仲洗問？ 點慢慢討論呢，佢地都佔了大多數嘞！
哪哪，要直選要普選就有咁既可能，到時唔好話冇預到咁既問題播。
開倉派錢播，你睇佔大多數的低下層，選唔選派錢啲派錢黨呢？ 佔選民幾多巴仙呢？有錢派，連未登記啲都快快登記選派錢喇。
E+啲泛民出來發言，都是咁講格， 憂心人大會乜乜！ 憂心中央會物物！ 我就憂心會派嗮香港啲儲備嘞。
我上上面咪講咗 係外國屢見不鮮喇， 香港要『以史為鑒』！
到此為止，請請！
space,
到此為止?
我估你實會返轉頭睇我點講!
哈哈哈哈~~~~~
我唔講啦,
好彼倦了,
不過我完全唔同意你啲睇法!
哈哈哈哈~~~~~~
睇吓你點忍??
嘻嘻~~
發佈留言