圖片:www.shop-walker.que.jp
豆腐是一種便宜有益的食品,
孫中山先生曾大力提倡國民多吃豆腐,
因為豆腐含有豐富蛋白質,
而且又絶無脂肪及膽固醇,
於是就成為我們日常烹調的主要食材之一!
豆腐有好多種,
什麼板豆腐,硬豆腐,軟豆腐,水豆腐...
有硬有軟,款式又多,
我就喜歡吃硬身一點的,
好怕日本那種超滑超軟身的豆腐,
吃下去滑到唔似係食物咁,
好似是經過人工改造的科學食品,
所以我都是喜歡廣東的板豆腐多啲,
雖然無咁滑但口感重啲,
食落去嘅感覺又親切啲喎,
一個字 - 正!
講起豆腐,
我最喜歡用黎煮"老少平安",
即係鯪魚肉蒸豆腐囉,
啖啖魚肉又無魚骨,
滑身又有嚼頭,
餸飯真係一流!
其餘的東江豆腐煲,麻婆豆腐,豆腐花等等都是好好味的,
唔知大家又喜歡食什麼豆腐菜式呢?
附加資料:
身體尿酸過多的人是不可以時常進食豆腐的,
因為豆腐的豆黃素會對尿酸過高的腎臟做成額外負荷.
26 則留言:
我喜歡吃玉子豆腐。
冷風,
同我相反了,
我好怕啲太滑嘅豆腐,
口感有點假!
材料：
板豆腐 三磚
蝦仁 八至十隻 清洗乾凈 備用
韮菜 四両 洗凈切度 備用
砂糖 豆粉 豉油 加少許水混好芡汁 備用
1.油少許，慢火煎豆腐至兩面，微黃色，備用。
2.油少許，鹽少許，猛火炒熟蝦仁，備用。
3.把豆腐和韮菜放入鑊，加水少許，煮熱後，加入蝦仁。
4.加入，砂糖、豆粉、豉油做成的芡，多煮兩三分鐘。
5.試試個芡汁煮妥，就可以上碟了。
女生更應多吃豆腐和喝豆漿,cuz可預防乳癌
我係豆腐怪，乜野豆腐都啱，甚至臭豆腐...
豆腐正
用黎滾湯一流
space,
你介紹那個叫"蝦仁豆腐"嗎?
我唔多食韮菜,用韮王得唔得?
木頭狗,
男生都有機會的,
唔係講笑架,
所以男人都要飲!
翔,
你有無下厨煮兩味豆腐呀?
伊麵丹,
是啊,
滾魚湯啲味好夾架! :p
I love 豆腐+番茄+魚魚=湯, yummy =)
Inner Space話蝦仁八至十隻，一開頭我睇錯以爲八十隻！哈哈。。。
我中意臭豆腐~~~~~
風子,
我都喜歡,
最鍾意就係大眼雞豆腐番茄湯,
好好好味架! =p
hana,
我好耐以前都喜歡過豆腐,
而家好少食囉,
怕臭襯人嘛! =p
新鮮兄：
不用韮菜，可以用『荷蘭豆』，加入一粒粒的『青豆』亦可。
『韮黃』我未試過，你食完話我知喇！
豆腐，係真係好正嘅！有益、價錢平、煮法又多。嗯，好好味呀！
I'm 豆腐怪 too~ :p
space,
"荷蘭豆"都好喎,
不過韮菜對你是有特別意思,
所以感受一定唔同!
新鮮媽都係中山人! =)
小豬,
看來你都好喜歡食喎,
有什麼拿手豆腐菜式介紹下! =)
tofufa,
一看你個blog名就知你喜歡啦,
哈哈哈~~~~
我吃過最好味的豆腐是在日本，豆味非常之濃，又非常之滑，佢地稱之為”絹豆腐”，超級好味，而且一點調味都不用加．．．．．．
新鮮兄：
舍 外公 外婆都是，籍貫 廣東中山！
但 家母在港出生，不會講鄉下話了！
韮菜我所欲也，
用雞蛋炒韮菜，
是我的心頭好！
韮菜雞紅也好！
但
後者自禽流感後，
再也不敢吃了。
bbj,
我麻麻地啲太滑嘅豆腐,
硬硬哋啱我口味啲! =p
space,
咁我哋都算半個同鄉喎!
韮菜我真係麻麻,
唔係我杯茶了!
日本 豆腐料理
有冰鎮豆腐 曰：『冷老』，個人很喜歡加入『辛』味豉油來吃。
又有在做豆腐時，先放入 鮮蝦 和 鮮蘆筍，凝固後雪凍來吃的，也是我必然選擇。
另外還有『揚豆腐』，即酥炸豆腐，或叫『豆腐唐揚』，相信是『唐朝』傳入日本的罷。
最後是要一提，只在『京都』，才吃到的『昆布豆腐』。用一塊『昆布』放在窩裡煮，加入一磚『京都』附近山水制成的豆腐，煮成昆布豆腐湯，天然的海昆布有鹽份，不用調味已經很好了。
space,
日本你最識搞"花神",
明明係普通嘢就搞啲名目落去,
加上包裝又靚喎,
啲人咪覺得好味啲囉,
仲要賣貴人幾十倍錢,
中國人就笨啦,
再靚嘅豆腐都係三蚊兩件,
又唔識搞高當佢個名喎,
結果咪買成板都唔夠人哋賣一磚咁好賺,
你話係未笨吖?!!
我就唔覺得日本人啲豆腐最好了,
中國地大物博,
唔信做出黎啲嘢會差過啲日本仔!
哼~~~~ =p
發佈留言