老媽語錄: 街坊酒樓

新鮮媽:『遲啲又話要俾物嘢醫療費喎!』
新鮮仔:『好似係喎!』
新鮮媽:『連食都唔夠,邊度有多餘錢供喎,正乞兒兜拿飯食!』

新鮮仔:『你覺得啲人搶米係咪好X居呀?』
新鮮媽:『係呀!鬼叫政府無能咩!』
新鮮仔:『又關政府事,啲人自己攞黎驚啫!』
新鮮媽:『如果政府畀到信心我哋可以穩定物價嘅,邊度有人會去搶喎!你睇吓啲豬牛羊雞鴨鵝... 政府做過物呀?』

中大時常做那些電話民調,
做黎都多鬼餘,
不如落吓街坊酒樓.公園聽吓啲小市民嘅對話啦,
好過做啲物Q問卷多多聲呀!
我唔識什麼偉大的經濟理論,
更無能力理解政府的數字遊戲,
我只想呼籲班高官唔好再閉門造車,
張大對眼看看現在的小市民係點樣爭扎求存啫!