女人點樣揀男人?

多數男人揀女人會先睇外表,
但女人揀男人嘅標準又如何呢?

"男人唔壞,女人唔愛!"
"佢好風趣幽默架,同佢一齊好開心!"
"都唔知點解會揀佢,佢咁鬼木獨!"
"同佢一齊好有安全感!"
"佢大把錢,做佢老婆一世無憂!"

要我這個男人講女人點揀男人真係好難,
人哋都話男女是來自不同的星球,
你估真係可以"偷聽女人心"咩?
如果我明嘅就係情聖啦!

不過我發覺20左右的女性會率性啲,
唔會有太多的感情,金錢計較,
見到合眼緣又啱key嘅就可以;
到左年近30左右又唔同喎,
多數會實際好多,
揀男人會睇吓佢哋嘅"升值能力";
到咗30歲尾就有點奇怪了,
一來會心急,二來又唔想求其揀個,
想要一個事業有根基嘅,
但又想要佢真心喜歡自己的,
可能會處於一個兩難的局面;
到咗40歲打後又是兩種分歧,
一係就是對男人"心灰意冷",
一係就事急馬行田,人有我有就算,
其實做女人都幾慘,
有又死,無又死!
唔係個個都可以做個獨立自強嘅女人,
就算是女強人都想返到屋企有人錫嘛!

以上當然只是我無知的推論,
還望各位姊妹兄弟多多指教,
我都是在這個課題上學習中!