香港政府派米?
發夢無咁早呀,
係隔離街派喳!
澳門特首何厚鏵今日話還富於民,
所有澳門永久居民都派5000大元,
連攞綠証嘅都有3000蚊,
而且又積極穩定大米來源,
聽到我流哂口水呀!
雖然5000蚊唔係好多,
但都好過無啦!
我計過條數,
就當香港得700萬永久性居民吖,
一人派5000都要35000000000咁多,
咁積係幾多呀?
我哩個數學白痴都唔識計,
總之好似好多好多錢咁囉,
究竟香港政府有無能力咁派呢?
我諗都要啲財務專家先識計了!
錢梗係唔可以亂咁派啦,
一次過嘅都係氹人開吓心,
實際幫助都唔係咁大,
但係香港政府係唔係可以積極啲,
學吓人哋咁穩定吓啲主要糧食來源呢?
(或者都有做緊掛,不過作用唔多好)
等我哋啲小市民唔洗捱貴米捱貴油吖,
老曾你又係時候做吓嘢啦,
就當做係騷都好過乜都唔做吖,
唔好嘢嘢慢人幾拍先得架!
22 則留言:
【明報專訊】澳門政府為舒緩通脹，今天宣布向永久居民每人發放五千元現金，非永久居民每人發放三千元現金。
特首何厚鏵今天在立法會會議上表示，為舒緩高通脹對市民的壓力，政府除早前推出的臨時經濟補助措施後，將動用財政近二十億元，最遲在今年七月向永久居民每人派發五千元現金，非永久居民每人獲發三千元，爭取短期內在立法會通過有關的追加預算。
他又說，為了降低食品價格，政府決定將所有民政總署進口的食品檢疫費減免，並增加食物輸往澳門的渠道，以提供更多食品供市民選擇，希望有助舒緩通脹。
此外，澳門政府將在邊境設立用地，讓當地米商用低成本儲存大米，希望有助穩定大米的供應。
另外，當局也對澳門居民住屋進行補貼，合資格人士的租金補貼達到房租的一半。
何厚鏵表示，可見的將來，不會改變鑑於澳門元與港元掛勾。
澳門政府在今年三月已增撥八億一千四百萬元回饋市民，包括向十八萬個住戶提供每戶每月一百五十元的電費補貼；為每月收入低於四千元的四十歲以上全職市民，提供收入補貼，使其收入達到每月四千元等措施。
何厚鏵又宣布，會向正輪候社會房屋的家庭發放住屋津貼、增撥土地作為興建公屋的土地儲備、以及規定公共工程必須雇用本地工人，以確保本地工優先就業。特區政府在公共房屋方面推出兩項計劃，其一為在路環石排灣地段劃出十二幅土地，作為興建公屋的土地儲備。
他又表示，為保障本澳建築工人的就業機會，特區政府將以試行方式，要求各公共部門，對一般性且預算少于一千萬澳門元的公共工程(包括政府部門的裝修工程)，不論以公開或咨詢形式招標，均在競投條件中規定承建商除涉及特殊工種外，在工程中必須全部僱用本地工人。
來源 明報即時新聞 澳門發五千元助民應付通脹
space,
老實講,
澳門政府嘅房屋建設,
造就本地工人業呀,
香港政府一向都有做開嘅,
香港政府又唔係乜都唔做,
但對於今次物價飛升,
香港政府係咪可以做啲嘢呢?
短期性,暫時性嘅幫吓手都好吖,
我就睇唔到政府有做到啲乜嘢作用出黎嘞!!
ps:我又想問吓嘞,乜澳門係人都可以去打工嘅咩? 如果唔可以嘅,又點解要係啲合同度加條咁嘅條文呢?
係咪做畀人睇吓呢?
澳門庫房的錢是從外地賭客処來。但香港呢?羊毛出在羊身上???
微豆,
要香港政府學澳門咁派梗係唔得啦,
講真,澳門咁做都係做畀人睇吓,
但一些如津貼低收人仕等等都是好嘅,
香港唔係樣樣都要跟人哋做,
但係係物價不斷暴升嘅時候,
政府係唔係至少要做啲短期性嘅幫助,
咁樣啲低收入人仕就唔洗咁慘啦!
唔知SF幾時有得派呢 >_<
很簡單, 知道自己沒有份兒就是了
冷風,
薯仔早前咪話退稅咩???
悟樂,
我們要爭取,
我們要爭取!!!
哈哈哈~~~~
雖然我都覺得派錢唔係好辦法, 不過我都想收錢呀,hahaha
近排糧食真係貴到飛起，
最慘係呢方面想慳都難，
派錢雖然唔係長遠，但
係當然想有得派啦！
Quoting：
我又想問吓嘞,乜澳門係人都可以去打工嘅咩?
如果唔可以嘅,又點解要係啲合同度加條咁嘅條文呢?
係咪做畀人睇吓呢?
真喺唔識，冇辦法答你！
orz
我好想移民去澳門呀！
澳門環境好，人工高，福利好，要求底！
點解...點解同人唔同命架！
lala.
我都想收錢啊! =p
coobe,
最實際係政府搞搞啲物價,
唔洗貴得咁離舖,
好過派錢多多聲啦!
space,
係囉,
唔係澳門本土居民嘅都可以係澳門打工嘅咩?
如果唔可以嘅,
係合約寫明意思咩?
多此一舉,做騷之嘛!
豆豆,
芠萊仲好,
唔洗交稅,
仲有錢派,
有派畀你起屋,
生仔都有錢派,
你話唔係仲好咩?
可惜我連澳門都無錢移民，
仲講咩汶萊...
唉，無0計，命苦，認命係啦！
豆豆,
嫁個有錢人係另一條出路喎! =P
睇『夏雨』個輯『向世界出發』，
杜拜向市民派一百萬greenbacks！
space,
桂拜咁多有錢佬,
一百萬可能等於我定一萬咁少喳! =p
新鮮人，嫁個有錢人又點？
身不由己咪一樣unhappy。
點解女人一定要靠男人呢？
我話最緊要都係靠自己！
豆豆,
針無兩頭利嘛!
男人都需要女人架! =p
發佈留言