上個星期"石頭小姐"嘅"因果報應論"搞到自己週身蟻,
就算佢一再道歉都難以平息眾人惱火,
唔單止損失了Dior係中國嘅代言人身份,
仲被人封殺佢係內地嘅所有電影產品,
你話佢係未衰多口吖?
人家地震咁慘就唔好亂咁嘢,
講多錯多攞黎衰呀!
我是一個口不擇言的人,
講得嘅又講,
唔講得嘅都照講,
所以好易得罪人,
但係有幾樣東西真係唔敢講,
就是關於宗教,政治理念和國家種族!
因為講到這幾樣嘢好似會出事,
無論你講得客唔客觀,公唔公平,
相關嘅人都會失哂理智咁反駁你,
事後你點解釋自己嘅論點,
啲人都唔會理你講得啱唔啱,
好似掘咗佢哋祖宗十八代嘅山墳咁,
仲可能會糾眾一齊"口誅筆伐"你,
到時真係黃河水都洗唔清,
可以講係死梗!
輕者可能會被人"炸blog",
重者仲會被人全球通輯添,
唔係講笑,
隨時死咗都唔知乜事,
所謂話講還講,
關於啲"敏感"題材都是少講為妙,
免得死咗都唔知乜嘢事呀!!
14 則留言:
昨天聽電台節目，主持人討論到甚麼是愛國。
主持人也說到一點——中國人是特別怕衝突的。所以雖然大家心底裡都知道中國有很多問題，可是在奧運、地震這把大傘子下，大家都覺得不應該再談有甚麼問題。
所以有人認為不應在奧運時講六四。
那種感覺，有點像老人家在新年時不許小朋友講「死」那樣——大家明知「死」是實在的，可是卻變成一種忌諱。
我這樣說，不是認同石頭小姐的講話。可是，我想，一個理性的愛國者，是不是，也是時候想想為甚麼中國會成為眾矢之的？
這，才是國家真正需要的「愛國精神」啊。
夕,
中國人好像好怕"衝突",
但當被人"踏住條尾"時,
又會發狂咁鬧人駡人,
完全失哂理性咁,
你話係咪好矛盾吖?!
石姨姨 有157 IQ 噃
算唔算高呢？
Sharon Stone, the actress, is a member of MENSA and reportedly has an IQ of 157
各位可以到 MENSA IQ TEST 睇吓，有幾多分！
唔係丫，你個blog 仲好四平八穩、應該唔會畀人炸 ^^"
space,
高IQ與有血性唔係成正比喎!
希特拉都唔係蠢材!
冷風,
因為我忍住口囉,
如果乜都講唔忍口就好易出事了! =P
我 IQ低嘛！
我好低B咖！
所以我好有血性。
space,
唔係正比,
都未必係反比,
你唔洗認低B,
有無血性同智慧無關喎!
暫時新鮮人寫的, 都不會太過偏激或有什麼惹人垢病的言論. 基本上好有point而不是亂罵, 所以應該無咩大問題.
不過如果咁唔好彩真係俾人無理炸blog, 我來撐你!
Pigbon,
謝謝你呀!
咁你要多啲黎呀,
唔係有事無你撐唔得架! =)
哈，講得好，我個Blog隨時俾人炸，所以好認同你所講，敏感話題，各有偏見，難以完全，真係好鬼危險！我成日都Feel到啲危機埋晒身，死未！
不過如果連寫Blog都要「奄春」咁，唔能夠詳所欲言，咁就不如唔寫好過寫lu...不過話時話，好彩出街唔會俾人打咋，如果唔係，我都唔寫喇，哈哈。（死得）
豆豆,
唔係驚畀人打,
只是唔想同人抅餐死啫,
有啲話題無可能有結論嘅,
人人立場唔同,點講都得,
再加上啲敏感性嘢,
寫黎咪得個嘈字,
無意思嘛,
所以唔寫好過囉!
PS:我到而家都唔出樣就係為咗安全囉,
容乜易無端端行街被人打架!
都係架...抅餐死，side gas！
喂，唔怕啦，你出相啦！
我估你實靚仔過「百兩金」0既！
最多我promise你，
就算系街度見到「百兩金」，
我都唔沃手啦！
豆豆,
多謝哂喎,
我同百襾金不多似,
你應該唔會認得我架!
哈哈哈~~~~~
發佈留言