本來經濟不景之下﹐
百物理應減價的，
但有些東西反而有加無減，
就好似老鼠樂園咁，
本來都要近$300一位，
而家仲話要加到大人$350、小童子$250，
如果一家大細四個人入場﹐
一千錢都入唔到門口呀!
雖然話香港人可以享受原價多六個月，
但之後都係要畀足，
再加上又唔畀帶飲料嘢食入去喎，
入便啲食物又貴又難食，
我覺得簡直係"禁住搶"呀!
講真又唔係必需品喎，
你貴我哋咪唔去玩囉。
但係想來想去都有好處，
至少啲畀得起錢嘅遊客唔洗再排咁長隊，
到時水靜河飛邊度仲洗排隊呀?
仲有啲卡通人物又唔洗咁辛苦喎，
得閒到等你黎同佢哋影相添。
$350位咁貴都係畀啲有錢人去啦，
邊度係我哩啲窮鬼去架!
話時話，
第時上海老鼠樂園開咗，
你睇吓仲有無自由行黎，
風水佬呃你十年八年，
大家放長雙眼睇啦!
15 則留言:
生前累朋友, 死後累街坊, 老董始終勁過曾狗~
巔兄,
哩筆又唔好入佢數,
經營手法和方針係而家班老鼠老闆定嘅,
佢哋以為自己把之閉,
遲啲睇吓點死,
可憐我哋香港人都有份出錢呢,
名牌效應真係累死人! =(
唉！喺入老董條數嘞！
當年立嘅不平等合約。
直程送權送錢送股份畀美老鼠，
今次是老鼠自殘睇你就唔就範，
先狂加價繼話在上海開新地址，
作為香港股東嘅政府冇得出聲，
睇嚟要『港有化』至有得翻身，
到時唔可否用『美老鼠』個名。
Even before, we didn't have to queue up for anything, i.e. the game, the restaurant. It's under-utilized already.
space,
唉~~~~
無眼睇! =(
ruth,
照咁睇,
今次加價簡直係自尋死路了!
幅老鼠畫是新鮮兄手跡？
還是自己加上金錢眼和兩滴口水？
space,
圖片隨便找來,
我做點加工吧了!
不愧香港的top迪珊娜eh！
新鮮兄祇是把老鼠畫，略略潤色，
加對金錢眼，兩滴口水，
個message就communicate到，
我想唔識中文嘅鬼佬，
都看得出呢篇嘅主題！
真有幸在虛擬世界認識到 新鮮兄！
自尋死路 - the sooner the better.
space,
你咁讚我真係使我太丟人了,
没有什麼特別,
只是胡亂添劃而已!
ruth,
佢咁死法,
香港人會蝕好多啊! =(
新鮮兄我說事實啫！
這次加費我想是美老鼠和港府拉鋸嘅策略啫，
美老鼠自殘睇吓港府就唔就範依佢地意思做，
若港府受到輿論市民嘅壓力反而益了美老鼠，
港府和美老鼠這段錯配的姻緣會不離婚收場？
點講都是香港納稅人嘅損失要孭起條長命債！
space,
老鼠這方面點諗我唔清楚了,
不錯佢哋一定諗埋上海個新樂園嘅,
睇吓佢都想香港和上海點分工了!
It's cutting loss. The sooner, the better.
發佈留言