2009年2月5日

無奸不商!

所謂「無奸不商」這句話真是千真萬確,
好好地一間電訊王國被那位"大板牙古惑仔"搞死咗,
本來市值三千幾億插水跌至數百億,
其間又拆骨又出售,
小股東眼見自己身家化為烏有,
但是"大板牙古惑仔"就賺到盤滿砵滿,
難怪昨天股東大會班小股東插到"大板牙"飛起,
仲鬧埋佢祖宗十八代!

做生意梗係要賺錢,
但是「盜亦有道」,
做得大公司總裁當然要為股東著想,
唔好嘢嘢諗住自己先得架,
你自己要賺錢無可厚非,
但無理由去吸人哋小股東啲血汗錢,
雖然法理上"大板牙"好似無犯法﹐
(證監會正在調查中)
不過做事要過得人過得自己,
好好哋搞到間公司一塌糊塗,
從中不斷"抽水"不特止,
而家仲要用最低最殘嗰價黎私有化,
最賤仲要一毫子都唔洗出兼要錢賺,
"財技"用得又盡又賤真係要小心被人斬,
錢係賺唔哂嘅,
做人都係積係陰德好,
唔洗問佢祖宗十八代實被人問候得好攰啦,
做生意做成咁,
有錢都唔興香啦,
正吸血鬼一名!

ps:我手上並無持有任何電訊股票。

相關舊文:
正寄生蟲!

12 則留言:

the inner space 說...

可能是上次佢母親的墳墓被人打擾破壞咗風水。

新鮮人 說...

space,
咁都畀你諗到?
佩服佩服!
不過可能係倒翻轉頭講喎!
哈哈哈~~~

匿名 說...

要將人地個女私有化又吾願比禮金!

梁巔巔 說...

唔仆街, 邊得有得咁發~

新鮮人 說...

匿名,
咁都畀人聯想到?
哈哈哈~~

新鮮人 說...

巔兄,
簡直係"扑中之扑",
係"扑霸"呀!!!

the inner space 說...

《不過可能係倒翻轉頭講喎!

嗄?新鮮兄是指

『無商不奸』和『無奸不商』?

新鮮人 說...

space,
「無奸不商」是對的,
意指唔奸就做不了商人!

我意思係話,
佢哋兩父子做埋咁多損人嘅嘢,
才會連累祖先山墳受擾!

Dozy 說...

介紹你識多個, 經濟越差越加價的朋友...西隧!
我都覺得電盈私有化實在太賤格啦!

Ruth Tam 說...

For many of my friends, they won't buy any stock that's related to them in any way.

新鮮人 說...

dozy,
對,
這個例子好好,
又是奸商一名!

新鮮人 說...

ruth,
我都係咁話,
買佢哋啲股票不如倒水落海!