無奸不商!

所謂「無奸不商」這句話真是千真萬確，
好好地一間電訊王國被那位"大板牙古惑仔"搞死咗，
本來市值三千幾億插水跌至數百億，
其間又拆骨又出售，
小股東眼見自己身家化為烏有，
但是"大板牙古惑仔"就賺到盤滿砵滿，
難怪昨天股東大會班小股東插到"大板牙"飛起，
仲鬧埋佢祖宗十八代!

做生意梗係要賺錢，
但是「盜亦有道」，
做得大公司總裁當然要為股東著想，
唔好嘢嘢諗住自己先得架，
你自己要賺錢無可厚非，
但無理由去吸人哋小股東啲血汗錢，
雖然法理上"大板牙"好似無犯法﹐
(證監會正在調查中)
不過做事要過得人過得自己，
好好哋搞到間公司一塌糊塗，
從中不斷"抽水"不特止，
而家仲要用最低最殘嗰價黎私有化，
最賤仲要一毫子都唔洗出兼要錢賺，
"財技"用得又盡又賤真係要小心被人斬，
錢係賺唔哂嘅，
做人都係積係陰德好，
唔洗問佢祖宗十八代實被人問候得好攰啦，
做生意做成咁，
有錢都唔興香啦，
正吸血鬼一名!

ps:我手上並無持有任何電訊股票。

相關舊文:
正寄生蟲!