2009年3月27日

霍建寧的答覆

昨天長和系的業績發佈會上,
記者問李超人對大學生四千元工資的看法,
執行董事霍建寧代答:
「四千只是最低限數,佢叻仔啲咪可以高啲人工囉!」
相信不同人對這番話有不同的看法,
大學生打工仔可能會覺得佢好無良,
四千咁低咁咪實拖低哂個中位數,
就算叻極都會變相減低起薪點囉。
係架,
老闆一向都係睇住個Costing做人,
經濟差人工自然會降低,
咁降幾多先至算合理呢?
都係睇市場。
但係又無理由大學生仲低過個清潔工架?
咁又好似係喎,
不過做清潔嘅都好辛苦架,
你可以試吓頂唔頂得順先,
佢哋啲人工真係有血有汗。
不過話分兩頭講,
一個用腦力,
另一個用勞力,
直接比又唔係好公平嘅,
所以啲畢業大學生值幾多就要睇吓佢哋嘅腦力有幾高了,
自問腦力高嘅大學生一定會揾到唔止四千元,
你有料嘅慌老闆唔會畀多啲錢留你咩,
但係揾極都得幾千嘅就要睇吓係咪自己出問題了。
這個世界好現實,
你有本事嘅一定揾多啲,
如果無經驗兼英文半桶水嘅就無得嘈囉,
予其係咁鬧人不如進修吓、磨利自己把刀仲好啦,
你要人畀多幾千蚊你都要人家畀得口服心服架!

10 則留言:

匿名 說...

好讚成你嘅講法.
老闆都唔係一味諗住搵員工着數.
你有料, 老闆自然睇你, 人工一定唔會低.
因為呢個都係你嘅市場價值問題嘛!
如果佢真係出手, 你咪當喺大公司攞佢個名,
壯大份CV囉! 然後仲唔走人咩?
如果真係搵極都無一個高過幾千嘅,
我覺得就真係要自己檢討吓喇.

Penny君 說...

YES
有料就有市場,
有市場就有價值,
有價值人地自己俾錢你洗架啦~

若缺齋老人 說...

如果你可以幫腦細搵到十萬一個月,佢唔出兩三萬留你可以拍拍屁股。

新鮮人 說...

anmary,
打工不要放太多感情,
就算平時對員點好,
到最後大部份老闆都係睇住盆數做人,
有人情味嘅老闆唔係無,
不過真係少之又少了!

新鮮人 說...

Penny君,
所以攞緊四千蚊嘅大學生首先要問問自己點解叫唔到高啲價了!

新鮮人 說...

若缺齋老人,
係囉,
打工係咁現實,
老闆要賺錢,
邊個幫到佢嘅就多多錢都會畀,
否則四千都厭多!

詭異的木頭狗 說...

唉,有D所謂的大學生,真係4千蚊都俾多咗佢.要問老闆攞幾多,要先衡量一下自己有幾多斤兩,依家的大學生最嚴重的問題不是能力,而是mindset.

新鮮人 說...

木頭狗,
同意,
係現實社會裏,
有本事實揾到錢,
否則嘈都無用,
這個道理都唔明就死火了!

Dozy 說...

其實都唔係架,邊個話大學生人工冇理由低過清潔工先,我知咁講係會俾人圍抽,不過真係事實,外國好多藍領工人,人工高過白領的個案。原因好簡單,都係睇供求,當一個社會富裕,個個都唔願做低下工作,那麼就自然要俾多啲錢請人。

新鮮人 說...

dozy,
道理係咁講,
不過香港啲清潔人工一向好低,
同大學生無得比,
而家彈出4000蚊哩個數,
所以才會有咁多人嘈囉,
每個地方環境唔同,
外國嘅情況同香港唔係一樣嘛!
不過啲大學畢業生唔努力,
隨時攞低過一個清潔工嘅人工又係真嘅!
年青人要好好向上了!