十蚊廿個橙!

女菓販:「十蚊二十個，十蚊二十個......」
路人甲:「咁平嘅? 甜唔甜架?」
女菓販:「甜梗啦，切嚿你試吓嘞。」
路人甲:「真係幾甜喎，又會平成咁嘅?」
女菓販:「靜靜話你知吖，噚日老闆同對面生果檔鬧大交呀!仲大打出手添!」
路人甲:「咁又點呀?」
女菓販:「唏!咁都唔明，老闆想頂死對面呀!」
路人甲:「哦! 唔怪得有咁大隻蛤乸隨街跳啦。」
女菓販:「你有買就快手啦，聽日唔知乜嘢價嘞!」
路人甲:「如果佢哋日日都鬧交我哋就發囉。」
女菓販:「咪咁大聲呀!我老闆係附近喳，你想我炒魷咩?」