2010年1月15日

請靜下來想想!

外遊回來不久,
第一個感覺就是煩,
煩什麼?
就是香港這個地方很多爭吵,
什麼高鐵、八十後、政改都有人在爭論,
而且不是心平氣和的討論,
抗議、絶食、遊行之舉絡繹不絕,
各方面(包括政府-加注釋是為免有人以為筆者偏幫政府)
都不肯靜下來耐心聽聽人家的意見,
只求"打敗別人"為最終目的,
這個世界無話邊個啱哂,
亦無人會完全錯哂嘅,
何不亙相取長補短把事情搞好呢?
如果這樣偏執不客觀的走下去,
只會各走極端鑽牛角尖,
不單止解決不了問題,
還會把社會推向滅亡的道路,
各位大哥大姐唔該冷靜下來,
再嘈下去不單只會兩敗俱傷,
得益的會是外面想超越我們的人,
贏一時之氣有何用?
輸了發展時機是無可補救的!

不要再指責人家不聽自己的意見,
自己何嘗不是一意孤行不接受別人提議嗎?
請不要以為筆者不了解情況才這樣說,
世上不會只得一人了解事情的!

37 則留言:

unclerya 說...

我想你是不清楚情況。

正因為政府沒有聽到別人意見,很多問題還強硬去馬,才會有絕食/遊行/靜坐/抗議的出現。

新鮮人 說...

uncleray,
嗱~~~
就係你這種態度啦,
一黎就話人唔了解,
你咁講可見你就正是我想講嗰種人,
我都知你會黎,
仲會咁講,
不過我點講你都唔會理啦,
一味以為自己啱哂,
人哋錯啱吖嘛!

政府係有問題,
未能(無誠意)和市民建立良好溝通,
但某些反對人仕所持意見亦没有商討餘地,
一步都唔肯退,
咁樣是商議的態度咩?
一樣很討厭。

大家繼續嘈啦,
唔理智唔客觀各自嘈啦,
政府又可以繼續用鴕鳥政策,
睇住珠三角,新加波、台灣爬哂我哋頭啦,
嘈完咪大結局囉, 有用咩?

新鮮人 說...

uncleray,
不要以為只有你才了解,
而持有不同意見的人就是"不了解",
那是很自大的看法,
看看你連自己名字都寫錯了,
就知你是有點衝動的,
一看見我的blog文就急不及待要反駁,
請你靜一靜想一想吧!

匿名 說...

其實我不太清楚香港的新聞,毎有大事就問爸爸怎麼又搞到咁大,發現大部份問題離不開都是:
一,政府沒有給各位一個合理的解釋令事件越描越黑;
二,市民又沒有耐性等結果;
三,索性濫用羣眾壓力,來個絕食/遊行/靜坐來抗議.
加上中國人本色是小事化大!!
說到未,錯不在一個人新上,香港政府現在的決定是順人民還是順中國政府,實在無人清楚. 市民又怕香港政府幫中國政府,怕失去原有的自由,怕便生事囉!!恐懼的時候那來這麼多冷靜.

新鮮人 說...

gwenzilla,
除了你以上講的外,
還在年青人(15-25)在經濟環境差之下,
找到好的工作,
亦缺少了向上爬的機會,
心中堆積不少怨恨,
所以一有問題就小事化大,
大事就更加嘈到飛起囉,
唉~~~~~

聶秀康 說...

這就香香港的深層次矛盾!

新鮮人 說...

3耳,
唉~~~~
政府真係要好好檢討和市民溝通的手法,
市民亦要冷靜一點來看整件事,
任何一方都不可以魯莽一意孤行!

the inner space 說...

香港社會的矛盾日增。其中包含:貧富懸殊,做成社會兩極化,官商勾結,做成不公平不公正,漸漸釀成社會缺乏互信基礎,社會嚴重分化,更每每令到商業活動,變成政治化。

uncleray 說...

係你說抗議、絶食、遊行的人不肯耐心聽聽人家的聲音。我不敢說我對"高鐵"這件事每一點也了解,但至少這一點是不對的。

你叫人不要嘈下去我是贊成的。最好大家坐下來好好再傾一下。若你有看每次會議就會知有很多問題,局長亦沒有答案。但政府現在要求立法會立刻批款,想傾都無得傾。說的不是幾億元的金額,是至少669億元。

uncleray 說...

還有,不如你解釋一下點解唔起高鐵香港就會被珠三角,新加波、台灣爬哂頭呢?

正如政府說不起高鐵就會被邊緣化,我是很不明白這一點。

新鮮人 說...

uncleray,
重點不是起不起高鐵,
而是香港充滿一種"野蠻抗爭"的風氣,
當然政府缺泛和溝通能力亦是主因之一,
因抗爭的一方堅持不起亦不見得全對吧?
起高鐵不見得是壞事,
問題是點起!

香港之所以會給別人爬頭不在是一條高鐵,
而是在是社會上無日無知的盲目爭議,
本來可以好好討論的,
大家(政府和市民)因為意氣之爭而不斷糾纏,
這樣下去不會給人超越嗎?

邊不邊緣化不是我們講的,
你自己多看內地的發展吧,
當你對內地的發展了解愈深就明白為何有這樣的說法,
如果還没有看清,
人家如何說都無用的!

新鮮人 說...

space,
我不會偏幫政府,
政府在社會民生以致和市民大眾的溝通上的確做得很不濟,
所以才有今天的局面,
但年青人以致所有市民都應該以事論事,
不會把情緒放諸於高鐵事件上,
因為這樣絶對得不到一個客觀的論斷!

匿名 說...

嗌!高鐵撥款通過了。。。。!

恭喜鮮兄來訪者突破十四萬,可喜可賀。

Space

Ruth Tam 說...

I quite like the view point in HK Economic Journal. They agree it's necessary to build the high speed railway and they even use the example of the new airport, saying at that time, people also against building it. Now, we are all benefiting from it.

However, they think people are not so much against the building of the high speed railway, the process. It's too obvious that government tries to benefit a small group of wealthy people. That's why everything is not transparent.

They are suggesting that the government should make good use of people against it to explain everything clearly and delay the decision (though they think in the end it's for HK's long term benefit to have the high speed railway).

新鮮人 說...

space,
是通過了,
但往有還有很多東西要政府處理!

新鮮人 說...

ruth,
何以是"benefit a small group of wealthy people"?
是因為賠賞菜園村上最終得益者是擁有大量土地的鄉申嗎?

Dozy 說...

對啊!年青人的所謂聽,就是要別人接受他的意見,自己永遠不會接受別人的。

the inner space 說...

新鮮兄:喺我個邊我都有話:“高鐵大騷暫時完畢,但是後遺症相信不少。。。。。社會嚴重分化,深層矛盾。。。。。”

所以我們在這項目暫時沒有矛盾。

新鮮人 說...

dozy,
年青人有時就是這樣,
我們"年青"是也會衝動不聽別人意見,
但如今的年青人就愈來愈激動了,
這可能是近年政府對社會、民生處理失當所致,
加上經濟下滑,
所以造就了今天的殘局!

這件事上,
政府的處理手法還是停留在港英時代的想法,
要知道現在的香港和六七年代的不一樣了,
不是啞子吃黃蓮,
有什麼都會爆出來,
結果是政府未能掌握民意,
進退為艱了!

新鮮人 說...

space,
這很好吖,
証明我們兩人是獨立有自己想法的人,
也是一個公開自由社會的基石!

Ruth Tam 說...

That's a very small sum. It's the developers of West Kowloon. That's why there's only 1 station in Hong Kong at West Kowloon. Something even worse than Cyber Port.

Ruth Tam 說...

From SCMP: Such opposition to the government arises largely from its lack of an electoral mandate and the perception that big projects tend to benefit big business. When such an eye-watering amount of public money is involved, an unelected government has to be seen to be open, transparent and inclusive. Its missteps recall past controversies over the West Kowloon cultural hub and the Cyberport project, and claims of collusion with big business. It needs to do better in the future.

新鮮人 說...

ruth,
你說得對,
政府政策的確有偏向財團一方,
就算不是有意的,
但結果卻是這樣,
政府真係要好好檢討,
不然社會矛盾只會愈來愈厲害!

Ruth Tam 說...

From HKEJ: 從深層次矛盾看高鐵

......反對高鐵的其中一個理由,是立法會內循直選產生的議員有過半是反對撥款的,但功能組別則大部分支持,合起來政府才有足夠票數支持;換言之,立法會並非真實反映民意,而與民意相違的功能組別卻足以左右香港的重要決策,在這種「畸形」及不公平的政制下撥款建高鐵是不能接受的。

其次,以西九為高鐵總站,被指為是偏幫地產發展商,因為設總站之後會吸引大量人流,帶旺西九一帶,而眾所周知,未來西九將會有一系列地產項目,吸引人流等於把西九搞旺,搞旺自然可以令物業升值,日後投得發展權的地產商就可以高價賣樓,賺個盤滿缽滿!相比之下,關注團體提議在錦上路設終站對地產項目發展的貢獻偏低,才是政府不考慮的主要原因。政府在提交立法會的文件以及最近幾天地鐵以廣告形式解釋選西九而棄錦上路方案的理由,從數據及引證其他國家經驗方面,政府及地鐵的理據並非子虛烏有,但扣上了「明益地產商」之後,選擇西九為終站就變質成為另一次「官商勾結」、向地產商輸送利益,其蘊藏的深層意義已非高鐵選站「咁簡單」。

還有高鐵的造價。政府在〇八年提交立法會審議的文件中,預計高鐵造價為三百九十五億,現在飆升至六百六十八億,造價為何在二年內大幅上漲?以如此高昂的的價錢興建高鐵,是否物有所值?政府提交的文件指出,興建高鐵是為了連接全國的高鐵網絡,令香港往返內地大城市的時間大大縮短,以二十六公里的香港段高鐵可以接通全國,可加強中港兩地人流物流,促進本地經濟增長,效益顯著。但反對者指出,過去政府也曾經提出過不少高鐵以外的接駁計劃,它們的效率或許較高鐵為低,但成本肯定大減;而且,二十六公里的路段,高鐵可發揮其高速效率的「長度」不足,特區政府最後還是選擇興建高鐵,其實只是為了配合內地的高鐵網絡(十一.五規劃重要部分),是向中央邀功多於為香港實際需要着想。

很明顯,上述各個原因其實跟高鐵的工程或建造方案未必有直接關係,但背後的思維和假設卻令反對者振振有辭,堅決反對撥款或反對興建高鐵。要解決這些矛盾絕不容易,但政府應該正視這些現象,才能明白為何一項基建工程會引起如此一場風波;解決之道,相信不能再靠過去那種循例式的諮詢了。

新鮮人 說...

ruth,
謝謝你!
此篇評論中肯獨到,
很有建地!

The inner space 說...

讀完HKEJ信報文章,與我在此的第一段留言:”香港社會的矛盾日增。其中包含:貧富懸殊,做成社會兩極化,官商勾結,做成不公平不公正,漸漸釀成社會缺乏互信基礎,社會嚴重分化,更每每令到商業活動,變成政治化。“ 大致類同。但沒有提及,反高鐵引出包圍立法會,歷時六個多鐘頭,圍困官員議員衝擊警方防線的激烈行動。

我尊重不同意見,和樂見年青人參予,當初組織“反高鐵”的一群後生仔女,包括利用苦行來表達反對的一群,我沒有懷疑他們的誠意和真心。

但去到後期才加入,在網上號召包圍立法會的一群,我就覺得他們是借機宣泄對現實的不滿,滲入了一群像是參加”嘉年華會“,多於社會運動的年輕人。看新聞片,他們是笑著吵著鬧著,覺得能夠抗衡警方,做一些踩線的舉動,很刺激兼且好玩。去到後來,玩夜了,玩晚了,玩攰了,玩夠了,就自然散去。希望是我看錯了吧,否則非香港之福。

新鮮人 說...

space,
你看到我都看到一點,
估計當中一定有些這樣的人,
這點是不可避免的了,
但此風繼續下去,
將不會是香港之福,
只會令事情更糟糕!

Ruth Tam 說...

http://www.facebook.com/?ref=home#/note.php?note_id=254757967449&id=846895053&ref=mf

Written by a reporter regarding some of the protesters.

匿名 說...

We don't have high speed railway in the U.S. As oil price keeps going up, I wonder how long America can compete with China and the rest of the world.

Despite all the argument in HK, I think you guys will be one big step ahead at preparing for the future.

Exile

新鮮人 說...

RTUH,
唉~~~
真係唔想睇,
睇完想嘔了!

新鮮人 說...

exile,
你是半個局外人,
睇法比較冷靜,
我是支持起高鐵,
但點起是有疑問的,
不過我反對部份人使用過激的手法表逹意見,
這幾天看得我很不開心,
對於那班人我很心淡!

匿名 說...

從別人網誌獨到的:


立法會門前看到的一幕紀實 張宏艷 談心

Space

anmary 說...

其實這幾天我都不太開心, 看到香港人天天吵, 不讚成的固然吵, 被吵得不耐煩的支持者也開始吵, 成日話香港有深層次矛盾, 我非常認同, 但係咪真係政府一手一腳造成呢? 嗰班希望從中取利(選票或政治籌碼)的議員其實係咪都有責任呢? 佢哋成日攪分化, 為咩先? 100%為香港好咩? 我其實真係唔覺... 要記住, 佢哋係做咩架? 大狀. 即係收得你錢就算你殺人放火姦淫擄掠佢都會盡全力幫你打贏場官司. 最叻就係將唔係道理嘅嘢講到好有道理.

再講貧富懸殊, 點解香港會無端端多咗咁多窮人? 其實係香港, 你有手有腳真係好難搵唔到食, 香港有9年免費教育, 你中三出嚟做sale做洗頭做車房做跟車都總有得做啩? 但你願唔願意去做呢? 要怪, 唔係怪個社會無幫你, 係怪你自己當日無為自己着想囉! 仲有好多其實係新移民, 其實落到嚟真係咁搵唔到食點解仲要落嚟? 香港其實無金執好耐架喇... 而當日係咩嘢人支持要俾呢班人落嚟? 咪又係班民主派, 今日攪成咁佢哋有無責任? 同埋點解而家啲人成日都係話政府要幫呢個幫嗰個, 以前嘅人(包括我自己)幾時唔係自力更生, 捱生捱死先捱到今日? 交咁多年稅, 公共醫療無我份, 我阿媽又要取消我個名先keep得住間公屋, 除咗嗰9年, 我真係無靠過政府... 咁我係咪都應該企出嚟話點解個政府唔幫我呢...?

而且亦因為太多新移民, 佢哋拉低咗好多低學識低技術嘅工作嘅工資, 香港又由依賴建造業轉化成知識型經濟社會, 一班藍領真係好慘... 所以我讚成香港合理地進行基建, 真係會提供好多工作崗位架!

朋友喺律師樓做, 有人上嚟申請唔知咩援助啦, 兩個大人兩個細路, 媽媽無做嘢, 爸爸搵7,000一個月, 的確係幾窮吓... 咁點解媽媽唔出去做嘢? 點解搵咁少仲生兩個細路? 佢哋答: 無諗過7,000蚊一個月養唔起兩個細路. 咁我哋係咪要幫佢諗埋...? 不如好似新加坡咁, 你娶邊個都幫你諗埋啦...

啲報紙又唔中肯, 只係成為佢哋老闆嘅政治工具, 我以前係生果日報支持者, 昨日竟然開到口話呢份報紙唔應該再買, 以免助長歪風.

話政府錯嘅同時, 請回想一下你哋又點對個政府? 係又鬧唔係又鬧, 又或是為反對而反對, 而且成日用侮辱性說話去鬧人, 係咪人哋打政府工就一定要受呢? 而且呢啲聲音永遠大過真正理性討論同爭取嘅聲音. 成日話抗爭, 中間有個抗字就已經唔再係理性啦, 咁遇到反"抗"係咪都好正常? 個政府攪唔掂又唔知點樣可以攪掂, 只好扮鴕鳥. 今日呢個局面, 係咪所有人都應該負上責任呢? (我無覺得政府啱晒呀... 而係覺得無人係啱晒啫...)

新鮮人... 最近我個人好忟... 好無心機... 我極少出聲, 因為我唔想變成自己口中嘅人, 但又越嚟越覺得唔出聲唔得, 但咪只會多一把趕嘈埋一份咁. 唉... 香港點解變成咁? 香港人點解變成咁? 其實真係覺得好悲哀... 我可能說話會勞氣咗啲... 如果有唔啱聽嘅, 唔好意思...

新鮮人 說...

space,
你這篇和ruth的那篇是一樣的,
己經看過了,
謝謝!

新鮮人 說...

anmary,
社會的確出現很大的矛盾,
你說的我都明白,
我們當然不能把所有責任推卸給政府,
但政府又真的對民生、民意缺乏了解,
亦没有對社會變遷明白,
她還是抱着從前港英時代的做法,
單方面從上而下的去統治,
而且政府的政策也有偏向財團的傾向,
就以西九為例,
現在都變成了另一個地產行目了,
大量財富落入地產商手中,
我們觀乎今天的香港,
大部份人一生都只在和地產生"打工",
加上經濟不景,
政府又缺乏誠意和市民溝通,
市民和政府之間的分歧就愈來愈大了。
看看曾生昨天的言論,
他只是批評那班"暴民"要反思,
但我們卻看不見他對自己施政的疏漏作用自省,
可見他根本没有從這次事件中吸收教訓,
這樣的政府只會令情況大家的鴻溝日大,
反對的思潮也會愈來愈兇了!

老實說,
我反對暴力思潮,
但由於政府那種高傲的單向假資詢不能讓市民的聲音得到接納,
終於爆出了亙相對抗的結果,
我贊成起高鐵,
但對起法和價錢亦有意見,
可惜政府卻是一意孤行,
没有半點吸收民意,
今天的局面,
政府要付的責任較市民的要大啊!

匿名 說...

噢!是相同的嗎? 我很怕 load 面書 facebook 的,人們說他們含有很多的 small tracking scripts 所以沒有依照 Ruth 姐提供的面書網址入去閱讀。

今天明報社評,覺得可以一讀,希望與兄臺分享。

雅虎新聞網:明報社評~必須與暴力劃清界線

Space

anmary 說...

唔... 其實你覺得政府停留在港英年代嗎? 我覺得差過港英年代喎...

但港英時代其實又好好咩? 我哋而家其實係比港英時代民主, 亦因為咁先會有咁多意見咁多聲音. 97之前, 有幾個人會走出嚟反對政府? (極左除外) 中國人難道真的比較鍾意蝦自己人? 見到人哋紅鬚綠眼就唔敢出聲?

成日話政府無咨詢, 講返高鐵, 由1999年已經開始籌備同討論, 立法會入面班議員會唔會唔知政府做緊咩? 點解今日先突然攪到咁大件事咁大單然後又好多人走出嚟講無充分咨詢? 係因為好多香港人都唔太關心政府做緊咩, 所以成日去到最後要落實喇, 啲人先話: 我唔知喎!

唔係好多人好似你咁關心架...

講返曾蔭權, 佢初初上台時都唔係今日咁, 但日日做人出氣袋俾人無禮對待同問候, 我成日覺得佢係個好有火嘅人, 但就又要受制中央又要受制於班反對人士, 佢有佢嘅抱負不過舉步維艱, 攪到佢好似越鬱都越多怨氣... 你唔覺得佢越來越容易發火咩? 但了解唔代表我欣賞, 我覺得佢唔夠海量, 佢應該學吓溫家寶, 佢真係唔係呢個級數, 但佢亦唔係狗官, 佢有真係做過啲咩害我哋? 點解要成日鬧人係狗?

每樣政策都會有人讚成有人反對, 所謂民主, 其實就係一個小數服從多數嘅遊戲.

民生方面, 其實我都覺得佢哋做得不足, 雖然個難攤子唔完全係佢哋攪出嚟, 但鬼叫你係政府咩? 就好似公司嘅高層咁, 下面啲人攪啲咩出嚟都係你揹架啦! 唔通話唔關自己事咩? 但其實個政府唔係生養死葬架嘛? 如果要我哋啲福利好到好似歐洲國家咁, 咁就要好似德國咁交50%稅又或者好似瑞士(定瑞典, 我都一時唔係好記得), 交65%稅喇.

點解我哋交17%稅香港政府仲有咁多錢駛? 除咗任志剛幫我哋炒股賺落唔少外, 其實某程度上係因為有好多大財團同高薪人士交緊好多稅.

香港最初回歸時, 好多有錢有知識有能力人士走得就走, 所以當時香港嘅政策的確偏向商界, 因為怕佢哋帶埋啲資金走人, 如果佢哋離開香港, 咁淨返喺到嘅香港人去邊到搵工開? 死梗!

但今日, 與其話香港官商勾結, 點解你唔會覺得佢互惠互利呢? 西九變咗地產項目, 但佢哋亦要幫政府起返啲咩嘢咩嘢, 我覺得反對佢哋起樓, 不如睇實佢哋有無落實佢哋投標時講過嘅承諾好過!

好似高鐵, 話就話600幾億, 但地鐵都包底咗300億, 點解肯包底先? 唔係因為之後會俾佢哋起樓賺錢佢先唔會啋你.

同埋, 其實香港人有幾多人打緊李生, 胡生, 鄭生佢哋工? 成日話人哋賺幾多賺幾多, 幾十年前唔係呢班人同一班老人家為香港打拚, 香港有今日?

香港有好多人為層樓打工, 咁層樓送俾你好唔好? 我都好羨慕人哋住house仲要有前後花園都平過我哋多多聱啦, 咁我哋香港咁死細住咗700幾萬人可以點? 上次有個女人打上去電台, 話佢同男朋友兩個一個係律師一個係會計帥, 兩個都係專業人士想喺中環買層樓結婚都唔得, 我好想問: 你一定要係中環買樓咩? 有邊個打工仔一買樓就想買中環? 邊個唔係由周邊地區買起? 我住珀麗灣700幾尺全海景買270萬, 夠平啦! 啲人會住咩? 唔係嫌遠就賺交通唔方便啦.

而且, 其實全世界, 大部份發達城市嘅人都係要幫層樓打工架啦, 美國人最鍾意咩都借貸, 所以間屋咪又係要供幾十年? 日本人仲慘, 有啲屋要供3代! 我以前喺日本時個同事住京都喺大阪返工, 但佢結婚都係要住返佢老豆間屋, 因為佢要幫手供埋佢. 冰島都係出名好住福利好嘅地方, 學生都可以借貸買樓架! 所以好多人都自己有層樓, 不過金融海嘯真係死唔少人...

我真係唔覺得個政府啱晒, 但我又真係覺得市民都真係好大責任. 半半啦! 好唔好? 同埋, 我成日覺得如果全世界嘅政府都解決唔到嘅問題想香港政府解決到, 我覺得真係好高估佢哋... 佢哋其實只係個地方政府... 仲要其實真係好唔醒嗰隻...

都係嗰句啦... 有啲人, 係有政治目的, 唔係真係為市民, 可能你覺得啲官都唔係, 因為佢哋都只係但求打好份工(或者保住份工), 但我哋要有自己獨立思考, 唔可以俾人利用.

雖然我知我同你一向睇法都好唔一致, 但我喜歡知道你的睇法因為大家都係獨立思考嘅人, 同埋我可以喺你嘅觀點入面睇到另一角度, 我係一個好鍾意全角度去分析嘅人, 其實你都對我幫助唔少^^

多謝你容許我喺係到噴口水=p 打comments打得長過打blog! hahahahaha!!!