2010年6月29日

夏日佳餚: 王環瑤柱脯


夏天無哂胃口,
黎個消暑妙品,
雖然賣相麻麻,
只係我影得差,
實物靚又好味,
而且口味清新,
冬瓜消暑去熱,
啱哂哩個時候。

材料:
  • 蝦仁十二隻
  • 冬瓜一輪
  • 瑤柱兩粒

    調味料:
  • 鹽1/4茶匙、上湯100毫升

    芡汁料:
  • 豆粉半茶匙、水一湯匙

    煮法:
  • 冬瓜去皮、洗淨、切件,每塊冬瓜上挖空少許,
    然後把瓜件按本來輪狀排列在碟上。
  • 瑤柱清洗後浸三至四小時,然後蒸十分鐘再拆絲待用。
    (浸瑤柱水可留用)
  • 蝦仁清洗後抹乾,用少許胡椒粉、雞粉醃20分鐘。
  • 把瑤柱絲、蝦仁按先後放入瓜件內,
  • 倒入調味料 (亦可按量加入剛才浸瑤柱的水),
  • 水滾猛火蒸七分鐘,
  • 蒸後把調味汁倒入鑊裏煮滾,
  • 加入芡汁煮開,最後把汁料淋上即成。
  • 23 則留言:

    macy 說...

    新鮮人

    nice! 我喜歡吃冬瓜, 夏天吃, 有解暑功效.

    xiao zhu 說...

    見唔到瑤柱嘅?

    我都好中意食冬瓜架!喂,你琴晚食呢味餸呀?一個人食?咁仲有咩其他餸呀?哈哈,突然好想食呀!

    新鮮人 說...

    macy,
    謝謝誇讚,
    夏天食冬瓜真係幾好,
    好味又合時,
    不如你又係你個blog度介紹吓吖,
    分享吓唔同嘅冬瓜菜式嘛!

    DeepC 說...

    吃冬瓜好處多, 除消暑外, 還可以利尿,消痰,清熱,... 好多好處.

    新鮮人 說...

    小豬,
    啲瑤柱絲係蝦下面呀!
    唔係一個人食,
    仲有煎紅衫魚。

    新鮮人 說...

    deepc,
    好似幾有益喎,
    夏天食佢真係好舒服,
    清淡又開胃,
    係唔錯嘅選!

    嘿嘿 說...

    我们是吃辣的来消暑!敢吗?

    新鮮人 說...

    嘿嘿,
    不敢,
    只會愈吃愈燥熱,
    弄到口乾鼻熱,
    對身體不好,
    怕怕!

    匿名 說...

    正確的"王環瑤柱脯"是整粒瑤柱, 饟入挖空了的玉環, 即是節瓜的外層.

    新鮮兄這冬瓜加蝦仁瑤柱, 應名叫"白肉裡藏珍". 不過所謂珍, 可以加入更多: 如燒鴨, 冬菰, 草菰, 等等或更多的珍品.

    space

    新鮮人 說...

    space,
    名字係人改嘅,
    那裏有分正唔正確呢?
    如果要認真,
    不如叫瑤柱冬瓜蝦仁脯,
    因為入便邊度有玉呢?

    匿名 說...

    節瓜外圍呈綠色可以說是玉環.
    冬瓜呈白色, 所以叫白玉, 是我手文之誤, 寫錯成白肉, 請見諒.


    space

    新鮮人 說...

    space,
    寫"錯"我實見諒,
    不過你咁執着我就唔見諒啦!
    哈哈哈~~~

    梁巔巔 說...

    一大包冬瓜去濕湯~ User Friendly!

    新鮮人 說...

    巔兄,
    咁你多次冬瓜煲什麼呢?

    anmary 說...

    呢個睇到都想食呀! 夏天真係好想食冬瓜, 多過想食西瓜XDDD

    新鮮人 說...

    anmary,
    西瓜都好好味架,
    又清涼消暑喎,
    最好係唔洗煮,
    即食嘛!

    anmary 說...

    又係喎! 唔駛煮呢個point好重要架~

    新鮮人 說...

    anmary,
    大熱天時,
    有誰喜歡對着熱烘烘火爐呢?
    西瓜當飯食,正呀!
    哈哈哈~~

    嘿嘿 說...

    “西瓜當飯食”?

    我奶奶说(闽南话):

    西瓜占大边!

    就是说大好大坏,身子弱时就会坏事,生出病来。


    嘿嘿 說...
    此留言已被作者移除。
    anmary 說...

    當飯食好喎! 仲可以減肥XDDDD

    新鮮人 說...

    嘿嘿,
    西瓜清涼,
    "寒底"的人不可以多吃,
    "熱底"的吃一兩次西瓜餐當飯應該無所謂,
    做人間不中"放縱"一吓嘛,
    咁樣先有思意,
    對嗎?
    哈哈哈哈~~~~

    新鮮人 說...

    anmary,
    試一兩餐就無所謂,
    長期當飯餐唔掂喎,
    身體虛弱的人會頂唔順架,
    就算強壯嘅都唔係咁好,
    吃得多西瓜利尿,
    可能會不斷痾"肥肥"架,
    痾到個人"削"哂,
    唔掂架!