2013年1月22日

$50/ 2 件羽絨外套!

網上圖片

















物價係咪愈黎愈貴,
唔洗問阿貴都知係。
以前五毫幾隻雞蛋,
依家個幾銀一隻,
以前十蚊有個腿旦飯,
依家要廿幾三十蚊一個,
飲品要加三至八蚊不等,
人工永遠追唔上物價升幅,
公眾市業有賺無賺都要加,
舖租、樓價不停升,
帶動所有物價都飛升,
你話死唔死!

我哋哩啲打工仔,
睇住個荷包日漸乾塘,
做人做到無哂心機,
不過前幾日我係街市發現啲超筍嘢喎,
一間短期租約出租嘅超小型衣服店門外,
一個五短身材嘅師奶係度大叫:
「手快有手慢無, 五十蚊兩件羽絨外套! 超低價!」,
係 50蚊 2 件喎!!!!
幾抵呀!!!!
門口成堆師奶係咁搶,
七手八腳你爭我奪,
其門如市,
啲外套款都幾靚,
本來心郁郁想買返兩件,
不過諗真吓都係咪搞,
內地人工材料乜都加,
仲有無咁平咁筍嘅嘢賣呀?
你估八九十年代咩?
有可疑!!!
我又忽然想起早幾年咪有人用"黑心棉"造衫咩?
仲唔洗唔漂照用,
搞到啲人生嘢週身痕,
諗起都起雞皮,
唔理係棉定係絨,
唔理係真定係假,
光棍佬教仔: 便宜莫貪,
況且哩間係臨時店,
幾日後就會消失,
有事佢都唔會上身,
諗過計過都係唔買安全啲,
費事贏粒糖輸間廠,
得不償失呀!

9 則留言:

五珍 說...

平到嚇人,不敢買。
雖然平嘢唔一定冇好。

l.minor 說...

$50兩件,又真係平得太過份,
料,運費都要啦,唔駛賺咩?

新鮮人 說...

五珍,

對,
太平太恐怖了,
唔敢買,
無謂出事。

新鮮人 說...

I.minor,

係啦,
就算唔係羽絨係棉花都唔夠成本啦 ,
所以極為可疑,
唔敢買。

梁巔巔 說...

太平又真係好得人驚!

新鮮人 說...

巔兄,

世界無咁大隻"甲拿"跳出黎俾人捉,
我覺得講得好有道理。

梁巔巔 說...

Right!

Ruth 說...

Don't buy something just because it's cheap. Your home space is more precious.

新鮮人 說...

Ruth,

完全同意,
這亦是不少人面對所謂大減價時的問題。