2007年4月1日

又中招!


我是一個十分嘴尖的人,
出街食嘢左挑右剔,
食到啲唔好食嘅東西,
最多都係食完返黎鬧兩句,
但係今日哩間真係好唔掂,
我地食左兩碟就立刻走人!

本來見間店又大又寛躺,
樓低高迴轉帶又超長,
諗住差極有個舖啦,
點知掉哂眼鏡,
啲侍應生動作超慢又唔醒目.
成張迴轉枱有三份一空位未執嘢,
但係成村人係咁係度等,
抺枱又求其,
將啲醬油飯粒就咁抺落手,
搞到啲凳一粒二粒飯.

另外,
條壽司帶長就長呀,
但係疏疏落落得十幾碟,
重成世都無新嘢放落去,
上面碟碟嘢都己經出哂水蒸氣,
不過一樣無人攞走佢,
真係睇見都唔開胃,
諗住點兩碟試下先啦,
點知成六七個師夫都要整成十幾分鐘,
而且味道一般又陣陣雪生味,
食完兩碟嘢之後立刻決定走人,
埋單重要俾佢加一收費,
下次請我都唔黎!

地址:淘大商場內街地下

6 則留言:

pigbon 說...

目黑我以前都覺得ok.
不過自從峰壽司開咗之後, 佢就被比下去啦.

coobe 說...

哈哈!目黑早兩年就得,之後就
米搞,同別府一樣失水準到離普

yuen luk luk 說...

唉吔~~~唔好囉, 我最近都食過壽司, 得閒又寫吓先!

新鮮人 說...

pigbon,
我都係覺得峰暫時係最好食! =)

coobe,
唉~~~早知就問下人先囉! T_T

YUEN,
快啲寫,快啲寫,好想睇下重有邊間係差嘅,
咁我就會再中招了! =)

Pinocchio 說...

好味到有幸福的感覺,我只好想起峰壽司.

新鮮人 說...

木偶,
峰 係幾好食,
但唔會咁誇掛! =)