我是一個十分嘴尖的人,
出街食嘢左挑右剔,
食到啲唔好食嘅東西,
最多都係食完返黎鬧兩句,
但係今日哩間真係好唔掂,
我地食左兩碟就立刻走人!
本來見間店又大又寛躺，
樓低高迴轉帶又超長，
諗住差極有個舖啦，
點知掉哂眼鏡，
啲侍應生動作超慢又唔醒目．
成張迴轉枱有三份一空位未執嘢，
但係成村人係咁係度等，
抺枱又求其，
將啲醬油飯粒就咁抺落手，
搞到啲凳一粒二粒飯．
另外，
條壽司帶長就長呀，
但係疏疏落落得十幾碟，
重成世都無新嘢放落去，
上面碟碟嘢都己經出哂水蒸氣，
不過一樣無人攞走佢，
真係睇見都唔開胃，
諗住點兩碟試下先啦，
點知成六七個師夫都要整成十幾分鐘，
而且味道一般又陣陣雪生味，
食完兩碟嘢之後立刻決定走人，
埋單重要俾佢加一收費，
下次請我都唔黎！
地址：淘大商場內街地下
6 則留言:
目黑我以前都覺得ok.
不過自從峰壽司開咗之後, 佢就被比下去啦.
哈哈！目黑早兩年就得，之後就
米搞，同別府一樣失水準到離普
唉吔~~~唔好囉, 我最近都食過壽司, 得閒又寫吓先!
pigbon,
我都係覺得峰暫時係最好食! =)
coobe,
唉~~~早知就問下人先囉! T_T
YUEN,
快啲寫,快啲寫,好想睇下重有邊間係差嘅,
咁我就會再中招了! =)
好味到有幸福的感覺,我只好想起峰壽司.
木偶,
峰 係幾好食,
但唔會咁誇掛! =)
發佈留言