馬場.遊樂場?

馬會批準馬主携帶子女入場,
『道德份子』批評是"鼓勵下一代賭馬"和"造就特權階級",
計我話就無需咁緊張喎!

如果真的會是這樣,
那麼我們便要禁止父母帶子女入場睇波了,
因為子女看完足球便會學曉賭波嘛!
還有杜其峰之流的黑社會片亦應列為III級,
這樣就唔需要什麼PG指引啦,
反正唔看唔知唔畀佢哋接觸就可以囉!
是運動亦或是賭博,
是封閉亦或是教導,
水能載舟亦能覆舟,
分別只在於如何運用!

至於特權與否?
我記得民初上海有『華人與狗不得內進』的事情,
今次回看馬會事件着實有點感慨,
估唔到今時今日還有這樣的事情發生,
無他嘅,錢作怪啫,
做得馬主嘅都係有錢佬,
養隻馬一年起碼幾百萬,
好話唔好聽,貴過養個小朋友,
人家有錢嘅梗喺有『特權』啦,
你見唔見啲公屋會起係維港兩傍吖?
不過廣大嘅馬迷唔洗擔心,
開放給馬主子女相信只是第一步,
開放給大眾馬迷子女一定止日可待,
點解?
因為你哋先係馬會真正嘅米飯班主嘛,
唔早啲吸納下一代入場,
將來就會有斷層架嘞,係未?
至於會唔會"鼓勵下一代賭馬"?
最多馬會到時咪加個"PG指引"落啲馬牌度咪無事囉!

將來帶唔帶你哋嘅子女入馬場,
自己諗啦!
哈哈哈~~~~~