今日見到三個婆婆排排坐食雪糕,
一路食一路談談天,好可愛,
本來想靜靜雞幫佢哋拍張照,
不過驚畀人追打就無影到了!
有無覺得老人家愈老愈天真可愛?
我們好少見四五十歲嘅大人當街食雪糕雪條,
但係就時常見到啲六七十歲或者更老嘅食喎,
有時同佢哋講嘢又要好似同細路哥咁樣,
要氹吓佢哋,要錫佢吓哋,
咁樣就會氹得佢哋好開心,
可惜唔係人人咁有耐性,
有些年青人仲對父母呼呼喝喝,
搞到大家嘅關係非常惡劣!
我發覺不少老人家有少少憂鬱情緒,
成日覺得自己老咗無用等死咁,
年青一輩嘅一定要花點耐性,
千奇唔好講啲傷害佢哋自尊心嘅說話,
尤其什麼"無用","蠢","笨"等等,
千萬唔好用黎批評佢哋,
講得多佢哋好易入哂腦,
不知不覺中仲可能會有自殺傾向,
只要少少疏忽就可以注成大錯,
最好講多啲鼓勵性嘅說話,
好似"你都幾叻喎","都係你有經驗"等等,
咁樣就可以讓老人家建立返自信,
唔會胡思亂想做儍事,
對老人家千萬不可以掉以輕心!
8 則留言:
我有個上了年紀的母親,新鮮兄慧語良言,吾当切記,謝謝!!
微豆,
太客氣了,
只是見到太多人疏忽老人家的感受,
不少人掛住揾食,
外面受了氣,
回家當家人係出氣袋,
久而久之就會有問題,
我只是表逹吓自己意見,
都不是什麼慧語,
亦是自我檢討一番罷了!
人生七十古來稀,
身體健壯又安康,
行得走得兼食得,
能做自己歡喜事,
人生也算是圓滿!
哈哈
年青人唔止令佢既長輩想死
連佢既同輩都想死！
一個二個無聊兼幼稚
身理成熟，心理退化
仲要有D科學家話人類進化在腦筋不在身理體能......
真係黐線！
風子,
行得走得故然好,
如果父慈子又孝,
一家大小樂團圓,
才是老人家所想!
伊麵丹,
這個課題在於孝心和耐性,
不在於人類進化喎!
講得岩，我地要敬老！
家有一老，如有一寶！
老，而產生抑鬱情緒，係會有架！
（我都因為愈來愈老而愈來愈抑鬱啦！）
所以我地應該俾更多啲關心佢地，
等佢地覺得人間有愛！
唔好覺得自己老左無用！
豆豆,
要付諸行動喎! =)
發佈留言