靚女你點睇?

我是一個很"衰格"的人，
從前在街上見到一些"醜怪"的女人，
心裏便會說:「咁嘅豬扒邊有人娶架?」，
見到無型無款嘅男人我又會諗:「佢做硬寡佬啦!」，
一切都是以貎取人，
以為唔靚就無人要，
但心裏又想着，
唔靚都要娶老婆嫁老公架，
咁係咪醜配醜、靚配靚呢?

後來見到事實並非我想像的一樣，
我係街見到啲又醜又肥又滑突嘅男人都係拖住個靚女人，
再望吓佢揸住嗰架靚車就知道，
男人有錢就可以娶個靚老婆了，
因為有些女人要錢唔要樣，
靚仔反而令女人無安全感，
其實有個有錢老公仲危險，
男人有錢就身痕，
我係男人都係咁講!

後來又想過什麼是"靚"呢?
我覺得靚不代表人家覺得靚，
你覺得好吸引，
我可能認為平平無奇，
況且各花入各眼，
除非你生到好似象人咁，
又或者污糟邋遢、不修篇幅唔沖涼，
否則世中總會有人覺得你好"正"嘅，
俗言都有講「黆豬頭都有盟鼻菩薩」，
不過幾時遇到就要講緣份了。

人對人嘅感覺好神奇的，
有些人一看就很順眼，
對佢自然產生好感，
但在別人眼裏就没有這樣的感覺，
不知這是不是情人眼裏出西施了，
有些人說是體味問題，
就好像動物一樣，
某些人對某種體味特別覺得吸引，
但我覺得除了體味外，
樣貎和舉動都是其中一種因數，
就好像有些人喜歡少少肥的，
有些則喜歡瘦一點的，
又例如瓜子口面、鵝蛋口面各有愛好者，
靚唔靚真是見仁見智，
不過無論什麼角度都好，
最緊要都係心地好，
否則點順眼都無用，
尤其是佛口蛇心的，
就好似個爛櫻桃一樣，
如果入便有蟲嘅，
再靚都唔會有人要。