$60多元一個奧陸蘋果、$289個 T字蜜瓜、$458包什麼青提......
還有菲濟木瓜、以色列無花果、敍利亞蜜棗等等少有的靚貨，
全部是極上的貨色，
美味、甘香、可口、多汁、有益、好看，
望之讓人心猿意馬，
嗅之令人垂涎欲滴，
還有幾廿蚊(唔係廿幾蚊喎)樽的青森蘋果汁，
這是人間樂土嗎?
什麼好美味的生果都讓我"看到"了，
但只是"看"没有買，
靚貨"靚價"，
我捨不得買，
也"買不起"，
心情很矛盾。
這個世界没公平的，
"公平"不代表人人有相同的待遇，
有人天天吃十元一粒的青提，
有人三餐不繼，
有些人含住金鎖匙出世，
有些人靠自己努力賺錢至富，
有些人勤力做工也只得温飽，
没有話公不公平，
各有前因莫羨人，
況且幸福、快樂不應該用物質來衡量，
有錢人不一定快樂的，
鹹魚清菜也很好味，
不過鹹魚也很貴，
窮人吃不起了。
若然我中了六合彩頭獎，
我會買那些又貴又美味的生果來吃嗎?
應該會的，
我也有虛榮心，
我也想嘗一嘗人間美食，
吃的、用的、穿的都會是最貴最好的嗎?
或許不會了，
為何呢?
有時看着這些極昂貴但品質很好的美食時，
我心裏會想......
有需要吃到咁"尖嘴"嗎?
有能力時，
買好一點點的不就可以嗎?
不忍吃一餐生果等如一戶人家幾天的飯菜錢，
實在有點"折墮"，
不是說有錢花是錯，
但總是過意不去，
人也不外是一副臭皮囊，
用的吃的有需要去到咁"盡"嗎?
活到"一把年紀"，
總想對自己好一點，
偶一為之讓自己開心一下，
可以理解，
但有些人卻以此為人生目標，
這樣是否有點扭曲呢?
16 則留言:
之前有條友話百幾蚊一碟用幾十年陳皮蒸嘅牛肉餅, 問我食過未?
我話挑那星你啲蠢仔食埋我過份~
貴嘅其實未必好食囉我覺得
日本人自己都唔捨得食，賣晒了嚟俾香港人食！
又，我幾年前四、五十元買了一包陳皮，昨天發現好香好香！
依尐嘢我一路都唔買來食的~
巔兄,
我會食,
不過唔會買,
佢請我實食架,
有乜所謂!?
naruto,
都可能架,
不過聽人講有啲真係好好食,
又爽又甜無渣又多汁,
有機會都心思思想試!
coffee,
香港人一路都覺得日本食乜都係至好的,
不過係香港見到嘅日本上等貨,
相信唔係個個日本人都食得起,
香港不少人哈日,
見到日本貨就覺得好正,
其實有些也不外如是,
只是日本貨品質比較安全,
没有國貨咁危險,
都係中國人自己唔爭氣,
無話可說。
悟樂,
大把錢時你會唔會買呢?
唔駛羨慕，有錢食得好，食得多，食得豪而沒有節制，只會食來一身病！
好想入嚟睇一睇，醒起雪櫃有西瓜，食野lu,bye:)
laulong,
現在的人很識養生,
食得健康食得好,
不再只是鮑蔘翅肚,
什麼要有機無農藥,
又要千挑萬選,
不過全部都係貴嘢!
naruto,
我昨晚也吃西瓜,
真巧!
說得太好了，$10的青提和幾毫子的青提營養價值差多遠？味道好多少？其實是虛榮感作祟。
五珍,
味道真係差很遠的,
我未食過幾百元一包的青提,
只吃過六七十元半磅的巨蜂提,
的確比普通的好味很多,
營養可能差不多,
值不值見人見智,
不過我唔捨得食,
好似太奢侈太唔啱我階層,
也有點"折墮"啊!
I was being interviwed at a farm the other day:
Q1: As you supporting the organic farm movement?
A1: Yes, it's a good idea to reduce the amt of harmful chemicals in our food.
Q2: So, are you buying only organic produce?
A2: No, they are too expensive !!
Bottom line: It is a matter of cost vs benefits analysis.
微豆，
我想這事可以分兩樣事情來說，
首先，
我說的重點不在於有機食品，
那些昂貴的水果標榜的只是質量，
並不是有機還是什麼。
在日本，
有些果農會把整株的果實採剩一個，
因此整株果樹的營養自然全集中到一個果實，
結的那個果實也就又香又甜又大又多汁了，
而價錢自然水漲船高，
是一般水果的十倍八倍了。
另一面是有機食物，
現在市面上買到的價格都很高昂，
不是一般市民日常可以負擔的，
我不知道是生產商取利過高還是成本太高，
但不竟只屬於中等收入以上家庭才可以購買。
發佈留言