2012年3月28日

黆豬頭都有盟鼻菩薩 2



口味是天生還是後天形成很難說,
榴槤、香茜、茜芹、蘿白、青椒、芝士、當歸、紅棗、粉葛等等,
有人嗅之欲吐,
但有人卻視為人間美味,
究其原因...
是基因遺傳?
是人體自我調節?
至今還無定論。

人對人亦是,
明明其貎不揚,
年過半百,
衣著陳舊,
週身無錢,
口才全無,
卻依然有人欣賞,
當真是"黆豬頭都有盟鼻菩薩"?
數天前和某男性友人路過超市,
其人就是我上述講那種,
正是要樣無樣、要錢無錢、要才無才的一個人,
而且口才欠缺,
但卻能招來超市內一個咖啡推廣攤檔的師奶推廣員涶青,
試飲一杯又一杯,
招呼週到不特止,
買一盒咁大把就主動話送杯麵,
轉頭仲送多小保暖瓶,
剛巧給另一個路過的師奶"目及"到,
搶着問買幾盒才送小暖瓶,
推廣員即時改口說買兩盒才有得送,
而那個討了便宜的無樣無才無錢男人就立刻側身"鬆人"了!
點解會咁呢?
我都答你唔到,
難道真的"情人眼裏出西施"?

翻看舊文,
原來幾年前都曾經寫過相同的主題,
今次又再証明有些事是科學家都解釋唔到架!

舊文:
黆豬頭都有盟鼻菩薩

10 則留言:

L L 說...

我哩嗰黆豬頭就係冇盟鼻菩薩,嗚 ~~~

Ebenezer 說...

愛情係盲目架!

新鮮人 說...

laulong,
曾經滄海難為水,
如今應回頭是岸!

新鮮人 說...

ebenezer,
三鬼唔識七,
一見就講愛情?
有無咁快呀?
難道一見鍾情?

naruto 說...

發佬寒囉

l.minor 說...

從來我都唔係呢d有人俾著數嘅目標

新鮮人 說...

naruto,
發佬寒都要睇目標架,
唔係無揀擇成咁丫!

新鮮人 說...

i.minor,
係你自己唔覺喳,
可能著數左都唔知呀。

Haricot 微豆 說...

对有d女人嚟講,男人其貎不揚,年過半百,衣著陳舊,週身無錢,口才全無,都無所謂,最緊要係人品老實,溫柔體貼。

新鮮人 說...

微豆,
也許是,
她們要的是:
安全老實可靠!