一個極早的早上,
寧靜的馬料水火車站的月台上,
一對夫婦與他們一對六七歲的兒子正等候着火車.
『咳就食少枝啦,你有無睇醫生呀?』
『有,得架啦,你睇實兩個細路咪走出去路軌呀!』
『你兩個快啲行返埋啲呀,唔喺有火車黎就車死你哋!』
『哦...』兩個小童還是繼續在月台上追逐無時定.
『咳~~~~』呼吸愈來愈急促.
『你喺咁咳,無事嘛?我哋唔好去飲茶囉,同你去睇醫生先啦!』
『無事嘅,無~事~嘅!』一路喘氣一路安慰身邊的女人.
『你咳得咁厲害,都喺同你去沙田睇醫生先啦!』
男的没有出聲,只是不斷的在喘氣.
就在這時男的胸口一陣翳悶，
喉嚨不斷發隆隆的怪聲，
而且愈咳愈厲害，
隨着是一舊濃痰湧上咽喉，
『哎呀～～你吐血呀～～』
月台上空無一人，
只有一個焦慮的女人和她丈夫，
那兩個小童還是不知好歹的走來走去玩着，
『你兩個快啲過黎睇實老豆，我去站頭揾人幫手呀，快啲啦～～』
『哦～』看着半昏迷的父親，兩個小孩還不知他們將要失去一個至親，
心中想着的只是發生了什麼事呢？
幹嗎母親會那樣驚慌呢？
父親時不時就咳架啦，
又不是第一次，有什麼咁特別呢？
過了不久，
那個女人急忙的帶着幾個月台的人來看，
『太太，你唔洗驚呀，我哋打左電話叫十字車架喇！』
看着昏迷在長椅上奄奄一息的丈夫，
那個女人心裏萬分焦慮，
『你唔好有事呀，你咪拋低我哋幾仔乸呀～』
『太太，你要有心理預備呀，十字車沙田黎最快都要廿分鐘,我怕．．』
『無事嘅，佢唔會有事嘅～你哋兩個快啲過黎睇實老豆呀！快啲呀～』
『哦～～～』這是他們可以為父親做的最後一件事了！
